მნიშვნელოვანი ინფორმაცია
5
ივნისიდღის ზოგადი ასტროლოგიური პროგნოზი
ხუთშაბათი, მთვარის მეათე დღე დაიწყება 15:45-ზე, მთვარე სასწორშია – რეკომენდებულია საოჯახო ბიზნესის დაწყება. ოჯახთან დაკავშირებული ფინანსური საკითხების მოგვარება. მოლაპარაკებების წარმოება, კონტაქტების დამყარება. გააძლიერეთ კავშირები. გააუმჯობესეთ ოჯახური ურთიერთობები, აღადგინეთ ოჯახური ტრადიციები. კარგია სახლის აშენება ან გარემონტება. დღეს დაწყებული მოგზაურობა აუცილებლად წარმატებით დასრულდება. ზედმეტი არ მიირთვათ. კარგია მცენარეული ჩაის, ნატურალური წვენების დალევა და ბოსტნეულის კერძების ჭამა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"მახსოვს, "სახეში" ხაჩიძე გამოყოფდა თავს და "ოეს" ან "ეას" ამბობდა" - კრიტიკა კრიტიკის წილ, ამალიასთვის
05:53 / 31-10-2014
ტელეწამყვანი გიორგი ნაზღაიძე ამალია ჯიბლაძის გარშემო ატეხილ სკანდალს ეხმაურება და მიიჩნევს, რომ ანრი ჯოხაძემ, გოგა ხაჩიძემ და სხვა ადამიანებმა, ვინც ამალია ჯიბლაძის ნიჭიერებაში ეჭვი შეიტანეს, ბოდიში საქართველოს მოსახლეობასაც უნდა მოუხადონ.
- როცა გავიღვიძე, "ფეისბუქი" აჭრელებული იყო იმით, რომ ამალიამ იმღერა ფონოგრამით. "ნიჭიერი" "რუსთავი 2"-ის პროექტი არ არის, ნაყიდია და პროექტს აქვს საკუთარი წესები, რომელსაც თუ დაარღვევს "რუსთავი 2", უჩივლებენ და საქმე სასამართლომდე მივა. ფონოგრამა რაში აწყობდათ? ამალია ვისი ნათესავია? მე გამაღიზიანა იმან, რომ საზოგადოება, რომელმაც ამალიას ნამღერი მოიწონა, იგივე ანრი ჯოხაძემ და ვიღაც ჟურნალისტმა გამოგვიყვანეს დებილებად, რომლებსაც არც სმენა გვაქვს, არც აღქმა რეალურად, მღერის თუ არა ადამიანი. ვიცი, რა არის მონტაჟი და სად შეიძლება იყოს ხარვეზი. ჩემი აზრით, პიარისთვის იყო გაკეთებული. თუმცა ვერ ვიჯერებ, რომ მომღერალმა, რომელსაც აქვს ვოკალურად ამბიციები და საზოგადოება ძლიერ მომღერლად აფასებს, ვერ გათვალა ეს ყველაფერი და იმ ხალხს მიაყენა შეურაცხყოფა, ვინც მოიწონა ამალიას ნამღერი. ჩვენ თურმე დებილები ვართ და ტაში დავუკარით ფონოგრამას. ვერ აიტანეს საცოდავი ამალიას წამში მიღებული პოპულარობა.
- გინდა თქვა, რომ მომღერლების უმეტესობა ვერ ერკვევა სიმღერაში?
- რომელი ჩვენი მომღერალი მღერის ინგლისურად და ცოცხლად კარგად? 99% ვერც ლაპარაკობს ინგლისურად, მათი ნამღერი ინგლისური, ჰაბ დუბდუბ და ჩუბ დუბ დუბ არის. არც ანრი ჯოხაძის ინგლისურად ნამღერი მომწონს. კარგი ნამღერი, კარგი ინგლისური დიქცია და კარგი ჟღერადობა ვერ აიტანეს. ქალი მოვიდა ქუჩიდან და გახდა პოპულარული. მეც გადამიდგამს რაღაც ნაბიჯები პოპულარობის გამო, მაგრამ ეს არ ნიშნავს იმას, რომ სხვა გავლანძღო იმის გამო, რომ წამში გახდა პოპულარული. მოცლილი უნდა იყო, ამდენი რომ წერო ამალიაზე. აქ იყო პიარი, საკუთარ თავი დაიპიარეს. პროვოკატორები გამოდიან, "რუსთავი 2" გამოიწვიეს. ამასაც ნიჭი უნდა.
- დეპუტატმა გოგა ხაჩიძემაც ეჭვი შეიტანა ამალიას სიმღერაში, რომელიც წარსულში მომღერალი იყო...
- გოგა ხაჩიძეს მუსიკალური განათლება აქვს? მახსოვს "სახეში" მისი დანიშნულება, უკანა ფონზე იდგა და სიმღერა რომ მთავრდებოდა, გამოყოფდა თავს და "ოეს" ან "ეას" ამბობდა. მინისტრობის დროს, როცა "ნაციონალურ მოძრაობაში" მოვიდა, ტაშტზე თუ რაღაცაზე უკრავდა და ამით თუ გამოიხატება მუსიკის ცოდნა, არ ვიცი. წარმოადგინოს გოგა ხაჩიძემ მუსიკალური განათლების დამადასტურებელი საბუთი. არც მას და არც ქართველი მომღერლების უმეტესობას ეს არ აქვს.
- ამალიასაც არ აქვს მუსიკალური განათლება...
- არ აქვს, მაგრამ მან აატირა ხალხი, მოიტანა დიდი ემოცია. ამან გააღიზიანა ძალიან ბევრი. თვითონ 15 წელია მღერიან, ბღავიან, საახალწლო კონცერტებზე გამოდიან და ხალხი არ ცეკვავს. ერთი პატარა სიმღერა იმღერა ამალიამ და მივიდა გულამდე. ჩვენი მომღერლების სიმღერები გულთან არ მიდის, არ იციან ისე სიმღერა, როგორც არის საჭირო. საქართველო პატარა ქვეყანაა და ამალია ვერ გახდება მეგა მომღერალი, თუ გახდება და თვითონ მომღერლები ჩაძირავენ, დაგლიჯავენ და დაძენძავენ. ჩვენ ვართ ბოროტი ერი და სხვისი წარმატება არ გვიხარია. ყველამ თავის "ლაივ ეფექტს" მიხედოს.
- შენი აზრით, ანრი ჯოხაძის ბოდიში არხის პოლიტიკას ხომ არ უკავშირდება?
- შეიძლება ამასაც უკავშირდება. მე გავეცანი ნიკა გვარამიას მოსაზრებას და ამოვიკითხე შინაარსი, რომ პროვოკატორები, ვინც "რუსთავი 2" თაღლითობაში დაადანაშაულა, აიკრძალებოდა არხზე. "რუსთავი 2" რომ არ იყოს, რა მეშველებოდა ან მე ან სხვა ცნობილ სახეებს.
თამარ ბოჭორიშვილი
AMBEBI.GE
თემის ყველა მნიშვნელოვანი განახლება ნახეთ თეგზე #სკანდალი "ნიჭიერში"
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ქართულ კომერციულ ბანკებში დაახლოებით 2 მილიარდი რუსული რუბლი ინახება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
