ალბათ, ბევრს შეუმჩნევია, რომ ძველებური შავ-თეთრი ფოტოები მისტიკურად და ცოტათი მოჩვენების მსგავსადაც გამოიყურება, თითქოს ოდესღაც ობიექტივის მეორე მხარეს რაღაც საიდუმლოებით მოცული იმალებოდა. დიზაინერმა და არტ-დირექტორმა კევინ ვეირმა გადაწყვიტა ექსპერიმენტები ჩაეტარებინა შავ-თეთრი ფოტოებით, რომლებიც მან აშშ-ის ეროვნული ბიბლიოთეკის ონლაინ-ვერსიაში – კონგრესის ბიბლიოთეკაში იპოვნა.
კევინმა ძველი შავ-თეთრი ფოტოები აქცია მოჩვენებებით სავსე მისტიკურ ანიმაციად, რომლებიც თითქოს მისტიკური ფილმების ეკრანებიდან ან გოთიკური ლიტერატურიდან არიან გადმოსული. თავის პროექტს კევინ ვეირმა “ფლუქსმანქანა” (Fluxmachine) უწოდა.
