არსენი იაცენიუკი - ვალდებული ვართ, კოალიციის ფორმირების პროცესი დავიწყოთ

უკრაინის პრემიერ-მინისტრ არსენი იაცენიუკის განცხადებით, კოალიციის ფორმირება "სახლხო ფრონტმა" უნდა მოახდინოს. არსენი იაცენიუკის განცხადებით, კოალიციის ფორმირების უფლება "სახალხო ფრონტს" უნდა ჰქონდეს, რომელიც უკრაინის ცენტრალური საარჩევნო კომისიის წინასწარი მონაცემებით ლიდერობს."ჩვენ ვალდებული ვართ, კოალიციის ფორმირების პროცესი დავიწყოთ", - აღნიშნა უკრაინის პრემიერ-მინისტრმა.

არსენი იაცენიუკმა ასევე განაცხადა, რომ "სახალხო ფრონტმა" მოამზადა კოალიციური შეთანხმების ტექსტი, რომელიც წლის ბოლომდე 36 კანონის მიღებას ითვალისწინებს. უკრაინული მედიის ცნობით, არსენი იაცენიუკი მომხრეებს სთავაზობს, კოალიციას "ევროპული უკრაინა" დაერქვას, რადგან მაიდანზე სწორედ ამისთვის იდგნენ.