ირაკლი ღარიბაშვილი - ყოფილი ხელისუფლება საკუთარ მოქალაქეებს არჩევნებზე ტერორისტულ აქტებს უწყობდა
ყოფილი ხელისუფლება საკუთარ მოქალაქეებს არჩევნებზე პირდაპირ ტერორისტულ აქტებს უწყობდა, - ამის შესახებ საქართველოს პრემიერ-მინისტრმა ირაკლი ღარიბაშვილმა მთავრობის 2-წლიანი საქმიანობის ანგარიშის წარდგენისას განაცხადა. მისი თქმით, ახალი ხელისუფლების პირობებში არჩევნების გაყალბება აღარ ხდება და მოქალაქეებს საკუთარი არჩევანის დაფიქსირება მშვიდ და თავისუფალ გარემოში უწევთ.
"ჩვენ ვამაყობთ, რომ საპრეზიდენტო და თვითმმართველობის არჩევნები ჩავატარეთ უპრეცედენტოდ მშვიდ, თავისუფალ და დემოკრატიულ გარემოში. პირველად საქართველოში არ მოხდა არჩევნების გაყალბება. კარგად გვახსოვს, რა ხდებოდა რამდენიმე წლის წინ საქართველოში, როგორ არჩევნებს ატარებდნენ ჩვენი წინამორბედები. პირდაპირი მნიშვნელობით, ამაზე გამოძიებაც ჩავატარეთ, ტერორისტულ აქტებს უწყობდნენ საკუთარ მოქალაქეებს, მე აღარ ვსაუბრობ გაყალბებაზე", - აღნიშნა ღარიბაშვილმა.
LIVE: გია ხუხაშვილი "ნიუსრუმიდან"
"ანტიგმირი უნდა დამალო" - გია ხუხაშვილი პარლამენტიდან ვანო ზარდიაშვილის წასვლაზე
