ევროკავშირის სამიტზე 300 მილიარდიანი საინვესტიციო ფონდის შექმნას მხარი დაუჭირეს

ევროკავშირის სამიტის გადაწყვეტილებით, 2015-2017 წლებისთვის 300 მილიარდი ევროს ოდენობის საინვესტიციო ფონდი შეიქმნება. ამის შესახებ სამიტის დასასრულს ევროპული საბჭოს პრეზიდენტმა ჰერმან ვან რომპეიმ განაცხადა.

აღნიშნული სახსრები განკუთვნილია ევროპული ეკონომიკის გასაუმჯობესებლად. კონკრეტულად კი, როგორც რომპეიმ აღნიშნა, ეს თანხები ევროპის ეკონომიკის აღდგენას მოხმარდება. ევროკავშირის ლიდერების განცხადებით, კრიზისის შემდეგ, ევროპის ეკონომიკამ ჯერ კიდევ ვერ შეძლო აღდგენა და კვლავაც რჩება არამდგრადი განვითარების მდგომარეობაში. ამ დრომდე არსებობს უმუშევრობის მაღალი და ინფლაციის დაბალი დონე.