მნიშვნელოვანი ინფორმაცია
7
ივნისიდღის ზოგადი ასტროლოგიური პროგნოზი
კვირა, მთვარის მეცამეტე დღე დაიწყება 19:40-ზე, მთვარე მორიელშია – კარგია ჯგუფური მუშაობისთვის, ახალი ინფორმაციის მოსაპოვებლად, სწავლის დასაწყებად. საყოფაცხოვრებო ნივთების დაგროვების, შეძენისა და წარმოებისთვის. კარგია პურის გამოცხობა. არ არის რეკომენდებული სერიოზული საქმეების და ვალდებულებების შესრულება, განსაკუთრებით მარტო. ადრე დაწყებული პროექტების მიტოვება. სიზარმაცე. ხელსაყრელი დღეა მოგზაურობისთვის, მივლინების ან მომლოცველებისთვის. აგრეთვე ოჯახის შესაქმნელად.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ლინას ლინკევიჩიუსი - საქართველოს ტერიტორიების ანექსიის ლეგალიზებისკენ მიმართული ყველა ქმედება უნდა დაიგმოს
02:00 / 21-10-2014
საქართველოს ტერიტორიების ანექსიის ლეგალიზებისკენ მიმართული ყველა ქმედება უნდა დაიგმოს, - ამის შესახებ ლუქსემბურგში ევროკავშირის წევრი სახელმწიფოების საგარეო საქმეთა მინისტრებთან საქართველოს საგარეო უწყების ხელმძღვანელის შეხვედრის შემდეგ, ლიტვის საგარეო საქმეთა მინისტმა ლინას ლინკევიჩიუსმა განაცხადა.
"ჩვენ მკაფიოდ უნდა დავაფიქსიროთ ჩვენი პოზიცია, უნდა დავუპირისპირდეთ და დავგმოთ საქართველოს ტერიტორიების ანექსიის ლეგალიზებისკენ მიმართული ყველა ძალისხმევა. ყველა ეს მცდელობა არის ლოგიკური გაგრძელება იმისა, რასაც რუსეთი სხვა რეგიონებში, მაგალითად ყირიმში აკეთებს. ასე რომ, ერთის მხრივ, ეს არ უნდა იწვევდეს გაოცებას, და მეორეს მხრივ, არ უნდა გვაძლევდეს მოდუნების საფუძველს. ევროპა ერთსულოვანი უნდა იყოს თავის პოზიციაში და მკაფიოდ უნდა განუცხადოს რუსეთს, რომ ამგვარი ქმედება მიუღებელია და როგორი გადაწყვეტილებაც არ უნდა იქნას მიღებული, საქართველოს ოკუპირებული ტერიტორიების: სამხრეთ ოსეთისა და აფხაზეთის არაღიარებასთან დაკავშირებით ჩვენი პოზიცია იქნება მყარი და უცვლელი", - განაცხადა ლიტვის საგარეო საქმეთა მინისტმა.
ლუქსემბურგში ევროკავშირის წევრი სახელმწიფოების საგარეო საქმეთა მინისტრებთან საქართველოს საგარეო უწყების ხელმძღვანელის შეხვედრა ლატვიის ინიციატივით დაიგეგმა.
საგარეო საქმეთა სამინისტროს ინფორმაციით, ევროკავშითან თანამშრომლობის მიმდინარე და პრიორიტეტული საკითხების გარდა, ქართულმა მხარემ შეხვედრაზე ასევე ისაუბრა საქართველოში უსაფრთხოებისა და სტაბილურობის საკითხებზე. განსაკუთრებით ყურადღება გამახვილდა საქართველოს ოკუპირებულ ტერიტორიებზე, კერძოდ, აფხაზეთის ოკუპირებულ რეგიონში განვითარებულ მოვლენებზე და იმ საფრთხეებზე, რასაც შეიცავს რუსეთის ფედერაციასა და საოკუპაციო რეჟიმს შორის მოკავშირეობის შესახებ შეთანხმების დოკუმენტი.
ლატვია 2015 წლიდან ევროკავშირის თავმჯდომარე ქვეყანაა.
"ინტერპრესნიუსი"
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები კიევიდან - რუსებმა ქალაქს დრონებით და რაკეტებით დაარტყეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
