მნიშვნელოვანი ინფორმაცია
27
მარტიდღის ზოგადი ასტროლოგიური პროგნოზი
ხუთშაბათი, მთვარის ოცდამერვე დღე დაიწყება 06:51-ზე, მთვარე თევზებშია
ამ დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. არ გირჩევთ ოპერაციის ჩატარებას ღვიძლზე, ფეხებზე. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ბოდიში გვაქვს მოსახდელი, რადგან კარგად არ გვქონდა გააზრებული ოჯახური ძალადობის რა მასშტაბის საფრთხეებია ქვეყანაში"
06:38 / 19-10-2014
ბოდიში გვაქვს მოსახდელი, რადგან კარგად არ გვქონდა გააზრებული ოჯახური ძალადობის მხრივ რა მასშტაბის საფრთხეებია ქვეყანაში, - ამის შესახებ "რესპუბლიკური პარტიის" პოლიტიკურმა მდივანმა, დეპუტატმა დავით ბერძენიშვილმა გადაცემაში "სუბიექტური აზრი" სტუმრობისას განაცხადა.
ბერძენიშვილი "რესპუბლიკური პარტიის" სახელით ბოდიშს უხდის საზოგადოებას, რომ ქალთა მიმართ ძალადობის საფრთხეების მასშტაბები კარგად არ ჰქონდათ გააზრებული და ამ საკითხზე არსებითი საკანონმდებლო ინიციატივები არ ჰქონიათ.
"ბოლო დღეებში საქართველოში ორი უმნიშვნელოვანესი თემა წამოიჭრა - შოკისმომგვრელი ძალადობა ქალებზე და რუსეთის მიერ დაწყებული ძალიან სახიფათო პროცესები აფხაზეთში. ის, რომ ქართულ საზოგადოებას, ქართულ პოლიტიკურ სპექტრს, "რესპუბლიკური პარტიის" ჩათვლით, ამდენი ხნის განმვალობაში რაიმე ხელშესახები, არსებითი საკნონმდებლო ინიციატივა არ გვქონია და კარგად გააზრებული არ გქვონდა, რა მასშტაბის ძალადობაზეა საუბარი, რა მასშტაბის საფთხეებია ქვეყანაში ოჯახური ძალადობის მხრივ, ამაზე ბოდიში გვაქვს მოსახდელი. "რესპუბლიკელები" შემოფარგლული ვიყავით მხოლოდ იმით, რომ პარტიაში მეტი ლიდერი ქალია, ვიდრე სხვა პარტიებში და საკრებულეობში გაცილებით მეტი "რესპუბლიკელი" ქალი გვყავს, ვიდრე ყველა პარტიის წარმომადგენელი ერთად აღებული. ჩვენ შემოფარგლული ვიყავით მხოლოდ პარტიის შიგნით ქალების როლის გაზრდის ხელშეწყობით. პარტიის თავმჯდომარე ხათუნა სამნიძე ქალია, თინა ხიდაშელი ქალია. თუმცა არც ერთი და არც მეორე, ბუნებრივია, ამ ნიშნით არ არიან "რესპუბლიკური პარტიის" ლიდერები. მაგრამ ეს არ არის საკმარისი. აშკარაა, რომ სერიოზული სამუშაო გვაქვს ჩასატარებელი პოლიტიკაშიც და ხელისუფლებაშიც ქალების როლის ზრდის თვალსაზრისით", - განაცხადა დავით ბერძენიშვილმა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
16 ხიდი და 3 კვანძი, ვნახოთ სად გაივლის და რა დაჯდება თბილისის შემოვლითი გზის 11 კმ-იანი მონაკვეთი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
