მეცნიერებმა უცხო ცივილიზაციების არსებობის მტკიცებულება აღმოაჩინეს

ბრიტანელმა მეცნიერებმა დედამიწის სტრატოსფეროში აღმოაჩინეს 27 კილომეტრ სიმაღლეზე არსებული ორგანიზმი, რომელიც წყალბადის და ნახშირბადის მოლეკულებისგან შედგება.

შეფილდის უნივერსიტეტის ბუკინგემის ცენტრის ასტრობიოლოგიის მეცნიერებმა წარმოადგინეს დედამიწის სტრატოსფეროში აღმოჩენილი სხეულის ფოტო, რომელზეც ფიქრობენ, რომ შესაძლოა, იყოს უცხო ცივილიზაციების არსებობის მტკიცებულება. როგორც ნაშრომის ავტორები ვარაუდობენ, მათი აღმოჩენა შესაძლოა გახდეს პასუხი კითხვაზე კაცობრიობის წარმომავლობასთან დაკავშირებით და იმის მაჩვენებელი, რომ დედამიწაზე ყველაფერი ცოცხალი კოსმოსიდან მოვიდა.

პროფესორმა მილტონ უეინრაიტმა და მისმა ჯგუფმა ეს აღმოჩენა სტრატოსფეროში 27 კილომეტრ სიმაღლეზე გაშვებული ბურთის საშუალებით შარშან გააკეთეს, როდესაც მეტეორების წვიმა მოდიოდა. მეცნიერებისთვის უცნობი ორგანიზმის ზომა დაახლოებით ათ მიკრონს შეადგენს. სტრუქტურა, რომელსაც უკვე ”დრაკონის ნაწილი” უწოდეს, შედგება წყალბადის და ნახშირბადისგან. ის არც ვულკანური და არც კოსმოსური მტვრის ნაწილი არაა. მეცნიერების თქმით, გაურკვეველია ”დრაკონი” ერთი ორგანიზმია თუ გაცილებით პატარა მიკრობებისგან შედგება. ის არ წააგავს დედამიწაზე აღმოჩენილ არცერთ სხეულს. მეცნიერები თვლიან, რომ შესაძლოა, არამიწიერ ობიექტთან აქვთ შეხება.