მნიშვნელოვანი ინფორმაცია
29
მაისიდღის ზოგადი ასტროლოგიური პროგნოზი
ხუთშაბათი, მთვარის მესამე დღე დაიწყება 05:58-ზე, მთვარე კირჩხიბშია – ენერგიული დღეა. მოქმედების დროა, ხელსაყრელია მძიმე ფიზიკური დატვირთვა. მოერიდეთ აგრესიის ნებისმიერ გამოვლინებას. გამოიჩინეთ მონდომება და გამძლეობა. არ არის რეკომენდებული ფინანსური საკითხების მოგვარება, შესაძლებელია ფულადი დანაკარგები. შეგიძლიათ წახვიდეთ სამოგზაუროდ ან მივლინებაში. რაც შორს წახვალთ, მით უფრო წარმატებული იქნება მოგზაურობა. გაზრდილია ემოციურობა, კარგია დიპლომატიის დემონსტრირება. გამოიძინეთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
სისხლის აღების საფრთხე კაზლარში 21 წლის ბიჭის წამებით მოკვლისათვის
05:47 / 11-10-2014
საგარეჯოს რაიონის სოფელ კაზლარში მოკლული 21 წლის ულფუკარ გულიევის ახლობლები ითხოვენ, პოლიციამ დააკავოს იმ გოგონას დედაც და ძმებიც, რომლის მოტაცებისას ახალგაზრდა წამებით მოკლეს. გოგონას მამა უკვე დაკავებულია, ოჯახის წევრები კი გაქცეულები. სახლს პოლიცია იცავს.
"ახლა მათ სახლს პოლიცია ყარაულობს, რომ ვითომ ჩვენ არ დავწვათ. ისინი გაქცეულები არიან. სახლი რაში გვაინტერესებს, დაიჭიროს მთავრობამ სანამ დროა, თორემ ჩვენ მივხედავთ. თუ დედა და ძმებიც არ დააკავეს და დაბრუნდნენ, ჩვენ დავხოცავთ", - აღნიშნავს მოკლულის ბიძა ალია გულიევი.
მოკლულის ახლობლების თქმით, მკვლელობაში გოგონას დედა და ძმებიც მონაწილეობდნენ.
"გოგოს დაურეკავს ბიჭისთვის, მოდი, წამიყვანეო. ისიც მისულა. გოგო დამჯდარა მანქანაში და იმ დროს მამას და ძმებს გაუგიათ. ვეღარ გაქცეულან. ჩვენი ბავშვი რომ ჩამოვიდა მანქანიდან, გოგონას მამას ცულის ტარი თავში დაურტყამს. ბავშვმა გონება დაკარგა, რის შემდეგაც შიგნით, ეზოში შეუთრევიათ. ხელფეხი შეუკრავთ და მერე ჯოხით, რკინით, ცემით და წამებით მოკლეს. სიგარეტი სახეზე მიაწვეს ბავშვს. ღამის პირველი საათიდან დილის ხუთის ნახევრამდე აწამებდნენ.
მოტაცება ამ სოფელში მუდმივად იყო და კიდევაც არის. ისეც ყოფილა, რომ გოგოს მამა დაუბამთ და გოგო ისე წაუყვანიათ, მაგრამ ასეთი რამ არ მომხდარა არასდროს. ეს ბავშვი წავიდა, დანაშაული ჩაიდინა, მაგათ კიდევ წამებით მოკლეს", - ამბობს მოკლული ბიჭის ბიძა ასლან გულიევი.
გარდაცვლილი ახალგაზრდის ოჯახის წევრები სისხლის აღებით იმუქრებიან.
"თვითონ დაუძახა გოგომ. აბა რომელი შუშაა გატეხილი ან კარები, რომ ამბობენ შემოიჭრაო? თვითონ გამოვიდა და მანქანაში ჩაჯდა. ან ოთხივე დაიჭიროს მთავრობამ, ან კიდევ მამაც გამოუშვან და ჩვენ ვიცით რასაც გავაკეთებთ. სისხლი გვინდა, ბავშვის სისხლის წილ", - ამბობს მოკლულის ბებია ავა მამედოვა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გიორგი ბაჩიაშვილი - საქართველოს წარმომადგენლებმა, ივანიშვილის დავალებით, მიმართეს ბანდიტურ გზას და მოტაცებით ჩამომიყვანეს საქართველოში
კვირის კითხვადი სტატიები
მნიშვნელოვანი ინფორმაცია
მკითხველის რჩევით
