3
ივნისიდღის ზოგადი ასტროლოგიური პროგნოზი
"ბიჭს გოგოს მამა თავში ურტყამდა იმ ჯოხსა და იმიტომ მოკვდა. ისე ურტყა, როცა დამარხეს, თავი ცელოფანით შეუხვიეს, რომ არ დაშლილიყო"
ადგილობრივ ტრადიციებს საგარეჯოს მუნიციპალიტეტის სოფელ კაზლარში 21 წლის ახალგაზრდა ემსხვერპლა. - 14 წლის გოგონას მოტაცების მცდელობისთვის ულფაკარ კ. სასიმამრომ, ნოვრუზ ქ-მ იქამდე სცემა, ვიდრე მან მოძრაობის უნარი, მერე კი გონი არ დაკარგა, შემდეგ კი სასწრაფო დახმარების ბრიგადა გამოიძახა. დაჟეჟილი და გასისხლიანებული ულფაკარ.კ საავადმყოფში გადაიყვანეს, სადაც მიყვანისთანავე გარდაიცვალა. სოფელი კაზლარი მომხდართან დაკავშირებით ორად არის გაყოფილი.
მ. მ., კაზლარის მკვიდრი:
- ჩვენთან ეგ წესია, რომ ქალი უნდა მოიტაცო. მაგაში ცუდი არაფერი არ არის, ქალი ცოლად მიყავს კაცს და იმიტომ იტაცებს, წელიწადი არ გავა, ჩვენთან 3-4 ქალი არ მოიტაცონ, ასეთი ამბავი კი ჯერ არ მომხდარა, კაცი რომ მომკვდარიყო. ეგ ბიჭი რომ მოკვდა, ძალიან ლამაზი ბიჭი იყო, გოგოს სჯობდა. გოგო არ არის მაგისთანა ლამაზი.
- მამისთვის ხომ მნიშვნელობა არ აქვს, მისი შვილი ლამაზია თუ არა, იქნებ სასიძოს სხვა რამის გამო იწონებდა, ადრე გაფრთხილებული ჰყავდა, რომ ქალიშვილს ცოლად არ გაატანდა?
- კი, ადრეც მივიდა ეს ბიჭი, - შენი შვილი ცოლად გამატანეო, მაგრამ მამამ არ გამოატანა, - ჯერ პატარაა, ვერ გამოგატანო. დასაწუნებელი მაგ ბიჭს რა ჰქონდა, ჩვენს სოფელში მაგისთნა ლამაზი ბიჭი არ იყო. თანაც ეს ორივე მწყემსები იყვნენ, ეგ სასიძოც და სასიმამროც.
- მერე რა მოხდა?
- მერე გავიდა 5 თვე და ეს ბიჭი, - მაგ გოგოს ცოლობა რომ უნდოდა და კიდევ 2 ბიჭი შეითქვნენ, - წამო, გოგო მოვიტაცოთო და ეგრე, ღამის 2 საათზე მივიდნენ იმ გოგოსთან, დაუძახეს და ისიც გამოვიდა. ბიჭი თუ არ უნდოდა, რატომ გამოვიდა?!
- ამ დროს ალბათ საპატარძლოს მამას ეძინა. ეს ამბავი როგორ გაიგო?
-როგორ და ეს გოგო მანქანამდე რომ მივიდა და ბიჭებმა რომ ჩასვეს, მანქანა ვერ დაქოქეს. გოგო კიდევ აყვირდა - დედა, დედაო,… ეს ყვირილი მამამ გაიგო, გაიღვიძა, წამოხტა, ხელში ჯოხი დაიჭირა და ბიჭების საცემად გავარდა. ახლა გოგოს ძმებმაც გაიღვიძეს - მაგას 2 ძმა ჰყავს და ისინიც გამოვარდნენ, ეს რომ იმ ბიჭებმა ნახეს, გოგოს საქმროს რომ ახლდნენ, გაიქცნენ და გოგოს საქმრო მარტო დატოვეს. გოგოს მამამაც დაიჭირა და ჯოხით ცემა დაუწყო.
