28
მაისიდღის ზოგადი ასტროლოგიური პროგნოზი
რესპუბლიკა "კაზანტიპი", რომელიც წელს ზაფხულში საქართველოს სტუმრობდა, შესაძლოა, ზაფხულში აღარ გაიმართოს.
ამის შესახებ "ფეისბუქზე" რესპუბლიკის პრეზიდენტმა ნიკიტა მარშუნოკმა დაწერა.
"ჩვენთან ერთად ხარ?
ვაგრძელებთ რეალობის საზღვრების გადაადგილებას და მზად ვართ რესპუბლიკა "კაზანტიპი" ეკვატორს მივუახლოვოთ. მზესთან ახლოს ყველანაირი უაზრობისგან შორს.
საერთოდ, ვფიქრობთ, რომ ზაფხულის პროექტებზე უარი ვთქვათ. ზაფხული ზამთარშია საჭირო. ზაფხულში კი ის ისედაც ბევრია. ზაფხულში უამრავი მუსიკალური ღონისძიებაა, ხოლო ზამთარში თითებზე ჩამოსათვლელი. ამიტომ ყველა თითს ჩავღუნავთ და ერთ დავტოვებთ, შუათანას და სიამაყაით ვანახებთ მას, რადგან ეს უბრალოდ ზაფხული ზამთარში არაა და უბრალოდ პლიაჟის ხაზი, სადაც ბევრი ხმა, შუქი, გიჟობა და ღიმილია. რადგან ახლა გვაქვს კუნძული! უკაცრიელი და ჩვენი!
ახლა მხოლოდ ის არის გასარკვევი, რამედნი თქვენგანი არის მზად 18-დან 28 თებერვლამდე ჩვენთან ერთად იყოს?"
საკუთარ კუნძულში კი მარშუნოკი კამბოჯაში მდებარე კუნძულ სიანუკვილიას გულისხმობს.
რამ უბიძგა ნიკიტას ზაფხულში აღარ ჩაატაროს კაზანტიპი ან თუნდაც ზამთარში გამართოს, უცნობია, თუმცა ვრცელდება ცნობები, რომ ანაკლიაში ჩატარებულმა კაზანტიპმა მას გაცემული ფინანსური ავანსები არ დაუფარა და ახლა ზამთრის კაზანტიპით მის გადაფარვას გეგმავს.
ფაქტია, რომ ანაკლიაში რესპუბლიკა "კაზანტიპმა" ბევრი დატოვა უკმაყოფილო, არა მხოლოდ ქართველები, არამედ თავად სტაჟიანი "კაზანტიპელებიც".
ამასთან დაკავშირებით კი კომენტარი საქართველოს ტურიზმის ეროვნული ადმინისტრაციის ყოფილ ხელმძღვანელს, გიორგი სიგუას ვთხოვეთ, რომლის ინიციატივისა და მუშაობის შედეგია, რომ ანაკლიაში 20-დან 30 აგვისტომდე "კაზანტიპი" გაიმართა.
