მნიშვნელოვანი ინფორმაცია
12
ივნისიდღის ზოგადი ასტროლოგიური პროგნოზი
პარასკევი, მთვარის მეთვრამეტე დღე დაიწყება 00:43-ზე და გაგრძელდება 14 ივნისს, შაბათს –
იმუშავეთ მშვიდად და საფუძვლიანად. მოაგვარეთ მარტივი ფინანსური საკითხები. გადადეთ მნიშვნელოვანი საქმეები. იყავით ყურადღებიანი იმის მიმართ, რაც ხდება და მოუსმინეთ რას გეუბნებათ ხალხი. იყავით ფხიზლად და მოერიდეთ კონფლიქტს. გამოიჩინეთ მოქნილობა და ორიგინალურობა ადამიანებთან ურთიერთობისას. სამსახურში გამოავლინეთ თქვენი საუკეთესო მხარე. ხორცზე უარის თქმა ჯობია. გამოიყენეთ მცენარეული ზეთი. ალკოჰოლური სასმელები უნდა გამოირიცხოს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
დაპირისპირება "მოქალაქესა" ია ანთაძეს შორის - ორგანიზაცია ჟურნალისტის განცხადებას უპასუხისმგებლოს უწოდებს
05:28 / 08-10-2014
არასამთავრობო ორგანიზაცია "მოქალაქე" მათი პროექტის შესახებ ჟურნალისტ ია ანთაძის განცხადებას "უპასუხისმგებლოს" უწოდებს. ორგანიზაცია ჟურნალისტის კრიტიკულ პოზიციას განცხადებით ეხმაურება და განმარტავს, რომ ია ანთაძეს მათ მიერ წამოწყებული პროექტის არსი არ ესმის.
"ორგანიზაცია "მოქალაქე" საჭიროდ თვლის, პასუხი გასცეს ამ უპასუხისმგებლო განცხადებას. როგორც ჩანს, ქალბატონ ანთაძეს ბოლომდე არ ესმის ჩვენი ორგანიზაციის მიერ წამოწყებული პროექტების არსი. ამიტომაც, თავს ვალდებულად ვთვლით, განვმარტოთ: "სამოქალაქო განათლების ოლიმპიადა" და სტუდენტური კონკურსი - "სტუდენტები თვითმმართველობისთვის" ორგანიზაცია "მოქალაქის" პროექტებია. მათ აფინანსებს და მენეჯმენტს უწევს უშუალოდ ეს ორგანიზაცია. ამავე დროს, ბუნებრივია, რომ მსგავსი მასშტაბის პროექტების განხორციელებისათვის საჭიროა ამ სფეროში გამოცდილი სტრუქტურების ჩაბმა. შეფასებისა და გამოცდების ეროვნული ცენტრი არის ერთადერთი სტრუქტურა საქართველოში, რომელსაც აქვს ანალოგიური პროექტების განხორციელების გამოცდილება. არსებული კანონმდებლობით, შეფასებისა და გამოცდების ეროვნულ ცენტრს უფლება აქვს მიიღოს და შეასრულოს კერძო დაკვეთა. ამიტომ სრულიად ლოგიკურია, რომ ჩვენი პროექტების წარმატებით განსახორციელებლად მივმართეთ ცენტრს.
კიდევ ერთხელ გვინდა ხაზი გავუსვათ, რომ ამ შემთხვევაში სამოქალაქო და სახელმწიფო სექტორის თანამშრომლობის იურიდიული ასპექტი სავსებით კანონიერი და გამჭვირვალეა. პროექტების განხორციელებისათვის არამცთუ არ იხარჯება სახელმწიფო სახსრების არც ერთი თეთრი, არამედ პირიქით, სახელმწიფო ამ პროექტით სერიოზულ შემოსავალსაც კი მიიღებს.
რაც შეეხება სამოქალაქო ჩართულობის ხელშემწყობ პროექტში სახელმწიფო სტრუქტურის მონაწილეობის მორალურ ასპექტს, მტკიცედ გვწამს, რომ სამოქალაქო ჩართულობა ვერ განხორციელდება სრულფასოვნად, თუ ამ პროცესს ხელს არ შეუწყობენ სახელმწიფო სტრუქტურები", - ნათქვამია "მოქალაქის" განცხადებაში.
ჟურნალისტმა და არასამთავრობო ორგანიზაცია "სამოქალაქო განვითარების ინსტიტუტის" წარმომადგენელმა ია ანთაძემ "მოქალაქის" აღნიშნულ პროექტთან დაკავშირებით კრიტიკული შეფასება სოციალურ ქსელში გააკეთა. "ღმერთმა "ნაეკს" (NAEC) ბევრი მისცეს, მაგრამ სამოქალაქო ჩართულობის პროექტს ცენტრალიზებული სახელმწიფო სტრუქტურა როგორ განახორციელებს? და რომ განახორციელებს, შედეგი რა იქნება? სამოქალაქო საზოგადოება ამ გზით როგორ გაძლიერდება? მერე სწყინს ძვირფას ბატონ ბიძინას, რომ ვამბობ დემოკრატიის შესახებ ცოდნის სტრუქტურა არ გააჩნია-მეთქი", - განაცხადა ანთაძემ.
იხილეთ ასევე: "მერე სწყინს ბატონ ბიძინას, რომ ვამბობ, დემოკრატიის შესახებ ცოდნის სტრუქტურა არ გააჩნია-მეთქი"
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
უკონტროლო ვითარება ლოს-ანჯელესის ქუჩებში - პოლიციასა და მომიტინგეებს შორის შეტაკებები გრძელდება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
