29
მაისიდღის ზოგადი ასტროლოგიური პროგნოზი
ქუთაისის საქალაქო სასამართლოში 22 წლის მირზა გოჩუაძის გარდაცვალების საქმეზე დაკავებული პოლიციელის, ლაშა ჯიხვაშვილის დაკითხვა დასრულდა.
როგორც "ინტერპრესნიუსის" კორესპონდენტი სასამართლოდან იუწყება, მოსამართლე გიორგი ქაშაკაშვილმა პროკურატურის მოთხოვნა დააკმაყოფილა და პოლიციელი ლაშა ჯიხვაშვილის წინასწარ პატიმრობა შეეფარდა.
სხდომაზე დაცვის მხარე დაკავებულისთვის გირაოს ითხოვდა, თუმცა მოსამართლემ მათი მოთხოვნები არ გაითვალისწინა.
ქუთაისის საქალაქო სასამართლოში ლაშა ჯიხვაშვილის პროცესი ხმაურით მიმდინარეობდა.
ბრალდებულის დარბაზში შეყვანას გარდაცვლილის ახლობლებისა და ნათესავების პროტესტი მოჰყვა. ხმაურის გამო მანდატურებმა რამდენიმე ადამიანს პროცესი დაატოვებინეს.
სხდომის მიმდინარეობისას შეუძლოდ გახდა მირზა გოჩუაძის მამიდა, რომელიც სასწრაფო დახმარების ბრიგადამ საავადმყოფოში გადაიყვანა. ამის გამო პროცესი 5 წუთით შეჩერდა, თუმცა ამ დროისთვის ბრალდებული პოლიციელის საქმის განხილვა განახლდა.
სასამართლოს ტერიტორიაზე უსაფრთხოების წესებს სამართალდამცველები იცავდნენ.
3 ოქტომბერს, ქუთაისში, დევნის ოპერაციის დროს პოლიციის მხრიდან გასროლის შედეგად 22 წლის მირზა გოჩუაძე დაიღუპა. გამოძიებას დასავლეთ საქართველოს საოლქო პროკურატურის საგამოძიებო ნაწილი აწარმოებს.პროკურატურამ გოჩუაძის გარდაცვალების ფაქტზე პოლიციელი ლაშა ჯიხვაშვილი იმავე დღეს დააკავა.
