მნიშვნელოვანი ინფორმაცია
25
მაისიდღის ზოგადი ასტროლოგიური პროგნოზი
კვირა, მთვარის ოცდამერვე დღე დაიწყება 03:43-ზე, მთვარე კუროშია – დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. კარგი დღეა ბუნებაში სასეირნოდ, მიწაზე სამუშაოდ. რაციონიდან გამორიცხეთ პროდუქტები, რომლებიც სახამებელსა და ნახშირწყლებს შეიცავს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
რის გამო დაბრუნდა რობერტო კავალის ქართველი მოდელი საქართველოში
07:40 / 05-10-2014
21 წლის ნონიკო კახაძე ბიზნესის ფაკულტეტზე ტურიზმის განხრით სწავლობს. 13 წლიდან მოდელია, სხვადასხვა სააგენტოსთან თანამშომლობდა, ბოლოს მილანში იყო წასული, რობერტო კავალის შოურუმში მონაწილეობდა, მაგრამ ცოტა ხნის წინ საქართველოში დაბრუნდა. შემოთავაზებები ისევ აქვს იტალიიდან და ჩინეთიდან, ნონიკო კი თავს იკავებს. მიზეზს ჩვენი საუბრიდან შეიტყობთ.
- 13 წლის ვიყავი, როცა დედაჩემმა მიმიყვანა ერთ პატარა სააგენტოში, რომელიც, მგონი, დღეს აღარც არსებობს, შემდეგ გადავედი თაკო ჩხეიძესთან. ბავშვობიდან მინდოდა "მის საქართველოში" მონაწილეობა, გავიცანი ია კიწმარიშვილი, შემომთავაზა კონკურსში მონაწილეობა და მეც გადავედი "იმიჯცენტრში", "მის საქართველო 2011"-ში მივიღე მონაწილეობა და გავხდი "ვიცე მის საქართველო". შემდეგ ისევ იამ მირჩია, "ელიტ მოდელ ლუქში" მიმეღო მონაწილეობა, ასეც მოვიქეცი და გავიმარჯვე კიდეც, რასაც მოჰყვა შანხაიში ამავე კონკურსის ფინალზე გამგზავრება, მართალია, იქ დიდი გამოცდილება მივიღე, მაგრამ თხუთმეტეულში ვერ მოვხვდი.
ამის შემდეგ მცირე დროით დავდიოდი ჩვენებებზე სხვადასხვა ქვეყანაში, თურქეთში, აზერბაიჯანში. წელს მილანიდან სამთვიანი კონტრაქტი პატარა, მაგრამ პოპულარულმა სააგენტომ შემომთავაზა. აღფრთოვანებული ვარ იტალიელებით, საოცარი, თბილი და ყურადღებიანი ხალხია. დღეში 7-8 კასტინგი მქონდა, თითოეულ მათგანზე სამასი გოგო მაინც იდგა რიგში, ვფიქრობდი, არსად ამირჩევდნენ, მაგრამ ამ სამი თვის განმავლობაში სულ დაკავებული ვიყავი და ვმუშაობდი. თავიდან მონაწილეობა მივიღე საპატარძლო კაბების მოდის კვირეულზე, რის შემდეგაც რობერტო კავალის შოურუმისთვის ამირჩიეს, იქ ერთი თვის განმავლობაში ვმუშაობდი. არ მეგონა, თუ მოვეწონებოდი, ვეკითხებოდი კიდეც, მე რატომ ამირჩიეთ, როცა ამდენი ქერა გოგონაა-მეთქი, განსხვავებული ხარ, შავგვრემანიო, მიპასუხეს.
კიდევ ერთი დიდი წარმატება იყო, როდესაც საფრანგეთში, კანში გამაგზავნეს გადაღებებზე. "ვოგის" სტილის ჟურნალი გამოდის ოქტომბერში და იქ დაიბეჭდება ის ფოტოები, რომლებიც კანში გადამიღეს, პროცესი 5 დღეს გრძელდებოდა, ალბათ კარგი გამოვა, ჯერჯერობით ფოტოებს მეც არ მაძლევენ.
- მართალია, საქმიანობის მხრივ ძალიან დაკავებული იყავი, მაგრამ გაგიჭირდა მარტოობა მილანში?
- საცხოვრებელსა და საყოფაცხოვრებო პირობებზე მილანურმა სააგენტომ იზრუნა. თავიდან ცოტა გამიჭირდა, მაგრამ იმდენად კარგად მექცეოდნენ, ისეთი აღფრთოვანებული ვიყავი, რომ მალე დავძლიე მარტოობის პრობლემა, სხვადასხვა ქვეყანაში მიწევდა მარტო გამგზავრება, მაგრამ ისე კარგად არსად მიგრძნია თავი, როგორც იტალიაში. უკვე მენატრება იქაურობა. ჩემთან ერთად კიდევ ორი ქართველი გოგო იყო, სწორედ მილანში ყოფნისას დამიკავშირდა ნიჭიერი ქართველი დიზაინერი მატა ცერცვაძე, რომელმაც კონკურს "ბი ნექსთზე" იტალიაში სწავლა მოიგო და თავისი კოლექციით ფოტოსესიის მოწყობა შემომთავაზა. მატას ნამუშევრებს მანამდეც ვიცნობდი და მომწონდა, ამიტომ დავთანხმდი, ჰოდა, მილანში დუომოს საკათედრო ტაძრის ფონზე მოვაწყვეთ ფოტოსესია. როგორც წესი, იქ ბევრი ხალხი იკრიბება, ფოტოებს რომ ვიღებდით, გაოგნებულები გვიყურებდნენ. სხვათა შორის, ფოტოები რომ ნახეს, იტალიელებს ძალიან მოეწონათ მატას კაბები.
- ნონიკო, აღარ აპირებ მილანში გამგზავრებას? კონტრაქტი დასრულდა?
- კონტრაქტი დასრულდა, თუმცა ახლაც აქტიურად მწერენ, ჩამოდიო. სხვათა შორის, რობერტო კავალის სახლიდანაც მთხოვენ დაბრუნებას, მაგრამ არ ვიცი, რას გადავწყვეტ, ჯერჯერობით ვერ წავალ, რადგან გათხოვებას ვაპირებ. იტალიის გარდა, ჩინეთიდანაც მომივიდა მიწვევა, თუმცა... ჩემი მომავალი მეუღლე არ არის წინააღმდეგი, რომ მოდელობას გავყვე, მაგრამ ასე დიდი ხნით ვერსად წავალ ალბათ. თუმცა, თუ თავადაც გამომყვება, მაშინ შევძლებ ვიმუშაო. იტალიაში ოჯახი, შვილი მოდელისთვის დაბრკოლებას არ წარმოადგენს, ბევრი გათხოვილი გოგონა მუშაობდა ჩემთან ერთად, მეტიც, რამდენიმე გოგო შვილებთან ერთად დადიოდა კასტინგებზე.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ჩრდილოეთ კორეის ახალმა სამხედრო ხომალდმა კატასტროფა განიცადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
