თაკო ცქვიტინიძე ავთანდილის ბოლო კოლექციამ შოკში ჩააგდო

გემომეტრის სტუმრები, მსახიობები ლევან სუხიტაშვილი და თაკო ცქვიტინიძე ფავორიტი სამოსის მაღაზიებისა და სილამაზის სალონების შესახებ ისაუბრებენ.

თაკო:

- როგორც ყველა მანდილოსანს, მეც ძალიან მიყვარს შოპინგი და ძალიან ხშირად დავდივარ მაღაზიებში, შესაბამისად, თითქმის ყოველთვის ვიცი, სად რა არის, სადაა ახალი კოლექცია და ა.შ. ამ ბოლო დროს ავთანდილის ახალმა კოლექციამ შოკში ჩამაგდო, მომეწონა ყველაფერი, ბოტასი, ფეხსაცმელი, სპორტულები და ა.შ. ჩემს ყველა მოთხოვნას აკმაყოფილებს და უახლოეს მომავალში აუცილებლად შევიძენ, თან მოგვარეა და როგორ არ უნდა მეცვას მე ცქვიტინიძის სამოსი?! ზოგადად, ამოჩემებული ბრენდი არ მაქვს, რომელზეც ვგიჟდები.პეკინზე დავდივარ მაღაზიებში, მაგალითად, ''რივერ აილენდში'', ასევე ვსტუმრობ ''ზარას'', სადაც ბავშვისთვის ვყიდულობ რაღაცებს, მაღაზიებში მხოლოდ ჩემ გამო არ დავდივარ, მყავს შვილი, მეუღლე და მათთვისაც ვიძენ რაღაცებს.

- ნიკა თუ დაგყვება საყიდლებზე?

- როგორც კაცების უმრავლესობას, ნიკასაც არ უყვარს საშოპინგოდ სიარული, ერთად თითქმის არასდროს დავდივართ. იქიდან გამომდინარე, რომ მას ხშირად უწევს გასტროლებზე საზღვარგარეთ წასვლა, ძირითადად, იქ ყიდულობს ხოლმე ყველაფერს, აქ, ფაქტობრივად, არაფრის შეძენა არ უწევს, ჩემთვისაც ბევრი რამ ჩამოაქვს.

- თუ მოგწონს მისი ჩამოტანილი სამოსი ან თუ ემთხვევა ზომა?

- ახალი შეუღლებულები რომ ვიყავით, აქსესუარები ჩამოჰქონდა, იცის, რომ მიყვარს და თან ზომაზეც პრობლემა არ იქმნება, მაგრამ შემდეგ გარისკა და ''ბალეტკები'', რომლებსაც თვითონაც კი რთულად ვირგებ, ჩამომიტანა და მომერგო, კაბებზე აღარაფერს ვამბობ.

- სილამაზის სალონებზე რას გვეტყვი?

- ვერ ვიტყვი, რომ ხშირად ვსტუმრობ, პრობლემური სახის კანი და თმა არ მაქვს, ჩემს თმას დიდად გასწორება არ სჭირდება, ისედაც სწორია, მანიკიურს, ძირითადად ''ფრენჩს'' ვხმარობ, რომელსაც თავად იმდენად კარგად ვიკეთებ, რომ სხვაგან ასე ვერ მიკეთებენ. განსაკუთრებლი შემთხვევებისთვის კი ''მარიგოლდში'' მივდივარ, სადაც ფანტასტიკურად მიკეთებენ ვარცხნილობასაც და მაკიაჟსაც. გარდა ამისა, კარგი სალონია ''პარიზი'' კუტუზოვზე. ''ნატალი'' ჩემში ნდობის მაღალი ხარისხით სარგებლობს, ასევე ''მელანჟი''.

იხილეთ გაგრძელება