1
ივნისიდღის ზოგადი ასტროლოგიური პროგნოზი
ალბათ ყველას სმენია თქმულება სურამის ციხეში ჩაყოლებული ადამიანის შესახებ. არავინ იცის, რამდენად შეესაბამება ის რეალობას, მაგრამ კედელში ნივთების ჩაყოლება გავრცელებული პრაქტიკაა მთელ მსოფლიოში.
წარმოგიდგენთ კედელში ნივთების ჩაშენების ყველაზე წარმოუდგენელ შემთხვევებს:
1. ჩვილები
1850 წელს პარიზში ერთ-ერთი სახლის კედელში მუმიფიცირებული ჩვილი აღმოაჩინეს. წყვილი, რომელიც ამ სახლში ცხოვრობდა, მკვლელობაში დაადანაშულეს, თუმცა მათი ბრალეულობა უარყოფილი იქნა, როდესაც ფიზიკოსებმა გვამის გარდაცვალების დრო დაადგინეს. უკანასკნელად ასეთი შემთხვევა 2007 წელს მოხდა ტორონტოში. მაკლერმა ბობ კინგჰორნმა სახლის კედელში გაზეთში გახვეული ჩვილის ცხედარი აღმოაჩინა.
2. ცოცხალი ბავშვები
ორი წლის შემდეგ, რაც 6 წლის რიჩარდ ჩეკევდია დედასთან ერთად გაუჩინარდა, ის ბებიის სახლის კედელში დამალული აღმოაჩინეს. რიკი 2007 წელს გაუჩინარდა, როდესაც მისი მშობლების განქორწინების პროცესი დაიწყო. ბავშვის ბებია ირწმუნება, რომ ბიჭი ძირითად დროს გარეთ ატარებდა, კედელში კი მხოლოდ მაშინ იმალებოდა, როცა საჭიროება მოითხოვდა. თუმცა პოლიციამ დაადგინა, რომ ბიჭს იშვიათად უშვებდნენ გარეთ და მას უარს ეუბნებოდნენ სამედიცინო დახმარებაზე, განათლებასა და თანატოლებთან კონტაქტზე. პოლიციამ ბიჭი დედამისთან ერთად საძინებლის კედელში დამალული აღმოაჩინა.
3. ფული
ოჰაიოში ბობ კითსმა აბაზანის კედელში რემონტის დროს 182 000 ამერიკული დოლარი აღმოაჩინა, რომელიც დიდი დეპრესიის პერიოდში გადამალეს.
4. ფეხსაცმელი
გერმანიაში, გოთიკ ლიდბერგ პალასის კეედლში ფეხსაცმლის 300 წლის წინანდელ კოლექციას მიაგნეს. ინგლისში კი ფეხსაცმელები პაპილონ ჰოლის კედელში აღმოაჩინეს - იქ მცხოვრები ოჯახი მიიჩნევდა, რომ ამ გზით საშინელ წყევლასთან დაკავშირებული უბედურებების სერიას აიცილებდა თავიდან. მსგავსი შემთხვევები მრავლად ფიქსირდება ევროპასა და ამერიკაში, ასობით ფეხსაცმელია ნაპოვნი კოტეჯებსა და ეკლესიებში. ზოგს სწამს, რომ კედელში ფეხსაცმლის ჩაყოლება ბოროტ სულებს აფრთხობს და იღბალს იზიდავს.
5. კატები
კატების კედლებში ჩაყოლება ძველი ტრადიცია იყო, რომლითაც ბოროტი სულების განდევნა ხდებოდა. მთელ ბრიტანეთში მუმიფიცირებული კატები ხშირად ცვივა 17-ე და 18-ე საუკუნის შენობების კედლებიდან.
მომზადებულია mentalfloss.com-ს მიხედვით.
