მნიშვნელოვანი ინფორმაცია
17
ივლისიდღის ზოგადი ასტროლოგიური პროგნოზი
ხუთშაბათი, მთვარის ოცდამესამე დღე დაიწყება 23:58-ზე, მთვარე ვერძშია – რეკომენდებულია: მონანიება, მიტევება, მარხვა. სახლის განწმენდა და დალოცვა. კარგია ყველაფერი ზედმეტის მოშორება. არ არის რეკომენდებული: მოლაპარაკებების წარმოება. აზრებისა და იდეების სხვებისთვის გაზიარება. გაუფრთხილდით ხერხემალს. უარი თქვით ხორცზე, ყავასა და ალკოჰოლზე. ჭარბმა კვებამ შესაძლოა კუჭ-ნაწლავის დაავადებები გამოიწვიოს. ამ დღეს გაწყვეტილი კავშირები არასოდეს აღდგება და ადამიანები ძალიან სწრაფად ივიწყებენ ერთმანეთს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ევროპამ უკრაინას ზურგი აქცია?
09:37 / 24-09-2014
უკრაინაში არსებული დაძაბული სამხედრო ვითარების ფონზე, კიევმა დასავლეთს დახმარებისთვის არაერთხელ მიმართა. არც ისე დიდი ხნის წინ უელსში გამართულ NATO-ს სამიტზე, უკრაინულმა მხარემ ოკუპანტებთან ბრძოლისთვის იარაღისა და სამხედრო ტექნიკის მიწოდება ოფიციალურად მოითხოვა.
როგორც 21 სექტემბერს "უკრობორონპრომის" გენერალურმა დირექტორმა მოადგილე სერგეი პინკასმა განაცხადა, გერმანიამ უკრაინისთვის Deutz BF 4M 1013FC-ის ტიპის დიზელის ძრავების მიწოდებაზე ოფიციალურად უარი თქვა. ძრავებით ახალი უკრაინული სამხედრო ჯავშანმანქანები Дозор-Б უნდა აღჭურვილიყო.
"დასავლელი პარტნიორებისგან დაპირებული ძრავები ჩვენ ვერ მივიღეთ. სავარაუდოდ ისინი მოსალოდნელ პოლიტიკურ რისკებს შეუშინდნენ", - ნათქვამია პინკასის განცახდებაში.
დამტკიცებული გეგმით, პირველი სერიული Дозор-Б უკრაინის ეროვნულ გვარდიას სექტემბრის დასაწყისში უნდა მიეღო, მაგრამ ძრავის არ ქონის გამო, ვადამ ერთი თვით გადაიწია.
პინკასის თქმით, გერმანული ძრავას შესაცვლელად რამდენიმე ვერსია უკვე განიხილება, თუმცა ეს პროცედურა გარკვეულ დროს საჭიროებს.
აღსანიშნავია, რომ გერმანული ძრავები სხვა უკრაინული წარმოების სამხედრო ტექნიკაზეც გამოიყენება. კერძოდ, ჯავშანტრანსპორტიორ БТР-3-ზე გერმანული კომპანია Deutz AG-ის ძრავა აყენია. სამხედრო ტექნიკის ეს წარმომადგენელი უკრაინის ეროვნული არმიის შეიარაღებაშია და ექსპორტზეც იგზავნება. 2010 წელს არაბთა გაერთიანებულმა საემიროებმა 90 ერთეული შეიძინეს. იმ შემთხვევაში თუ ბერლინი უკრაინისთვის ამ ძრავების და მათი მარაგნაწილების მიწოდებაზეც უარს იტყვის, კიევი რთულ ვითარებაში აღმოჩნდება.
ამჟამად კიევის მდგომარეობა არასახარბიელოა. ქვეყნის აღმოსავლეთ ნაწილში მიმდინარე საბრძოლო მოქმედებებს დიდი ფინანსური და მატერიალური რესურსები მიაქვს.
"არმიის ახალი ტექნიკით აღჭურვისთვის, უკრაინის თავდაცვის სამინისტროს ფინანსური სახსრები არ გააჩნია", - ასეთი განცხადება Facebook-ის საკუთარ გვერდზე უკრაინის თავდაცვის მინისტრის მრჩეველმა, ალექსანდრე დანილუკმა გამოაქვეყნა.
"ხშირად ისმის კითხვები, რატომ არ ყიდულობს თავდაცვის უწყება ახალ სამხედრო ტექნიკას, რომელიც "უკრობორონპრომის" ქარხნებში დგას. გპასუხობთ - იმიტომ, რომ ამისთვის საჭირო ფული არ გვაქვს. ამიტომაც არსებული ტექნიკის აღდგენა და მოდერნიზაცია პრიორიტეტულ მიმართულებადაა არჩეული. ეს პროცესი ნაკლებ ფინანსურ დანახარჯებს საჭიროებს", - წერს დანილუკი.
ქვეყანაში მიმდინარე საბრძოლო მოქმედებების მთელი პერიოდის განმავლობაში, სარემონტო ქარხნებმა 12 ათას ერთეულამდე სამხედრო ტექნიკა დააბრუნა მწყობრში. მათ შორისაა ჯავშანტრანსპორტიორები, ტანკები, არტილერია, სატვირთო, სარემონტო და სამომსახურებო ავტომობილები.
მოამზადა ნუკრი მგელაძემ
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ვრცელდება სპეცოპერაციის კადრები და ფარული ჩანაწერები, რომლებშიც "ქურდულ სამყაროსთან" კავშირში მყოფი ფიგურირებენ
კვირის კითხვადი სტატიები
მნიშვნელოვანი ინფორმაცია
მკითხველის რჩევით
