მნიშვნელოვანი ინფორმაცია
4
ივნისიდღის ზოგადი ასტროლოგიური პროგნოზი
4 ივნისი, ოთხშაბათი, მთვარის მეცხრე დღე დაიწყება 14:30-ზე, მთვარე სასწორში გადავა 17:41-ზე – დღის ენერგია უარყოფითად მოქმედებს ადამიანებზე. პროვოკაციების დღეა, უფრთხილდით მოტყუებას და ცდუნებებს, იყავით მოკრძალებული. ცოტა დაისვენეთ, აღიდგინეთ ძალა. მოუფრთხილდით პირად ნივთებს. იყავით თავშეკავებული და ტოლერანტული სამსახურში, კომუნიკაციაში, ეცადეთ არავის ანაწყენოთ. არ მიიღოთ მონაწილეობა სარისკო საქმიანობაში. არ არის რეკომენდებული ბიზნესის დაწყება, პრეზენტაციებსა და გასართობ ღონისძიებებზე დასწრება, ხელშეკრულებების გაფორმება. საბუთების შედგენა. აქტიური ორგანოებია: თირკმელები, შარდის ბუშტი, გამომყოფი სისტემა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
2012 წლიდან ციხეებში 108 პატიმარი გარდაიცვალა - სუიციდითა და ძალადობით გარდაცვლილ პატიმართა სტატისტიკა და მიზეზები
01:21 / 18-09-2014
გუშინ რუსთავის N6 დაწესებულებაში პატიმარი ზ.ს. საკანში გარდაცვლილი იპოვეს. ამ ეტაპზე არსებული ინფორმაციით, მან თავი მოიკლა. რუსთავის N6 დაწესებულებაში ეს სუიციდის უკვე მეორე შემთხვევაა ბოლო ერთ თვეში.
მომხდარზე სახალხო დამცველმა უკვე გაავრცელა განცხადება და ერთ ციხეში ერთი თვის განმავლობაში მომხდარ ორ თვითმკვლელობას საგანგაშო უწოდა. ომბუდსმენმა სასჯელაღსრულების სამინისტროს მოუწოდა, რომ რეაგირება მოახდინოს და ფსიქიკური ჯანმრთელობის პრობლემებისა და სუიციდისადმი მიდრეკილების დროული გამოვლენის მიზნით ჩატარდეს კომპლექსური სამუშაო.
ambebi.ge დაინტერესდა რა ხდება ციხეებში და რატომ გახშირდა პატიმართა გარდაცვალებისა და თვითმკვლელობის ფაქტები.
2012 წლის დასაწყისიდან ციხეებში 108 პატიმარი გარდაიცვალა. აქედან, ახალი ხელისუფლების მოსვლის შემდეგ - 50.
ოფიციალური მონაცემებით, გასულ წლებში სიკვდილობის მაჩვენებელი გაცილებით მაღალი იყო.
რაც შეეხება გარდაცვალების მიზეზებს - დაფიქსირებული შემთხვევების ნაწილი პატიმრებს შორის ფიზიკურ დაპირისპირებას უკავშირდება. ნაწილის შემთხვევაში - გარდაცვალება ჯანმრთელობის მდგომარეობამ განაპირობა, მათ შორის - რამდენიმე შემთხვევაა დაფიქსირებული, რომლის დროსაც პატიმრის გარდაცვალება ექიმის გულგრილობას და დაუდევრობას დაუკავშირეს, რის გამოც ციხის ექიმების თანამდებობრივი პასუხისმგებლობის საკითხი დადგა.
პატიმართა თვითმკვლელობის შემთხვევები
ბოლო შემთხვევის ჩათვლით, ახალი ხელისუფლების პირობებში, სუიციდის 9 შემთხვევაა დაფიქსირებული. ზ.ს.-ს გარდაცვალებამდე, დაახლოებით ერთი თვის წინ, რუსთავის N6 დაწესებულებაში 24 წლის ჯიდო ფირცხელიანი საპირფარეშოში გარდაცვლილი იპოვეს. მისი გარდაცვალების მიზეზადაც თვითმკვლელობა დასახელდა.
სიკვდილიანობის ამსახველი სტატისტიკა ambebi.ge-ს სასჯელაღსრულების სამინისტროში მიაწოდეს და განმარტეს, რომ წინა წლებთან შედარებით, სუიციდის შემთხვევები მნიშვნელოვნად არის შემცირებული, მათი ცნობით, საშუალოდ გასულ წლებში ციხეებში, წელიწადში, 14 სუიციდის შემთხვევა ფიქსირდებოდა.
სუიციდის ყველაზე გახმაურებული შემთხვევა ქუთაისის N2 სასჯელაღსრულების დაწესებულებაში 16 წლის გოგა ძველაიას გარდაცვალება იყო, რომელმაც არსებული ინფორმაციით, თავი საკანში ზეწრით ჩამოიხრჩო. ოჯახს არ სჯეროდა, თუმცა ექსპერტიზამ დაადგინა, რომ არასრულწლოვანმა თავი მოიკლა.
ძალადობით პატიმართა გარდაცვალების შემთხვევები
ახალი ხელისუფლების პირობებში ასეთი 2 გახმაურებული ფაქტია დაფიქსირებული. ერთ-ერთი ასეთია გასული წლის 2 აგვისტოს, გეგუთის ციხეში ნაცემი და შემდეგ გარდაცვლილი პატიმრის, ლევან კორტავას საქმეა.
პროკურატურამ ეს საქმე ახლახანს გახსნა და გაირკვა, რომ ციხის თანამშრომლის დავალებით, პატიმრებმა სასტიკად სცემეს კორტავას და იგი მიყენებული დაზიანებებით გარდაიცვალა. ყველა პირი, ვინც დანაშაულში მონაწილეობდა, უკვე მიეცა პასუხისგებაში.
კიდევ ერთი მსგავსი შემთხვევაა, პატიმარ გიგა ფარტენაძის გარდაცვალებაა. იგი გეგუთის კოლონიაში საკანში პატიმრებმა ცემით მოკლეს.
პატიმართა გარდაცვალების არაერთ ფაქტზე გამოძიება ამ დრომდე მიმდინარეობს.
ხათუნა გაგნიძე
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კიტ კელოგი - მჯერა, რუსეთის წინააღმდეგ აშშ-ის ახალი სანქციები მზადაა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
