მნიშვნელოვანი ინფორმაცია
6
ივლისიდღის ზოგადი ასტროლოგიური პროგნოზი
კვირა, მთვარის მეთორმეტე დღე დაიწყება 18:45-ზე, მთვარე მორიელშია – რეკომენდებულია მოლაპარაკებების წარმოება. დახმარების თხოვნა. გამოიჩინეთ ნებისყოფა, გამძლეობა, სიმტკიცე და პატიოსნება სამსახურში. გამოავლინეთ საკამათო საკითხების გადაჭრის, კონფლიქტების მოგვარების და კომპრომისებზე წასვლის უნარი. არ არის რეკომენდებული გადაჭარბებული ზრუნვა. ახალი წამოწყებები. აჩქარების და აურზაურის გამოვლინება. საუკეთესო დღეა ოჯახის შესაქმნელად. თავი უნდა შეიკავოთ უხეში საკვებისგან, კვერცხისგან, თევზისა და ხორცისგან. მთლიანად გამორიცხეთ ალკოჰოლი და ნიკოტინი. ზედა სასუნთქი გზების, გულის, ფილტვების და ღვიძლის გაწმენდის დღეა. მოუსმინეთ გულს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ძველბიჭობას დაანებეთ თავი! - რას მოჰყვა დაპირისპირება პარლამენტში
12:49 / 17-09-2014
პარლამენტში სისხლის სამართლის კოდექსში შესატანი ცვლილებების განხილვას სიტყვიერი დაპირისპირება მოჰყვა. კოდექსის მიხედვით, ნაფიც მსაჯულთა განსჯადობისთვის სისხლის სამართლის ყველა საქმის დაქვემდებარების გადავადება ორი წლით უნდა მოხდეს.
აღნიშნულ ცვლილებასთან დაკავშირებით იუსტიციის სამინისტროს ინიციატივას საპარლამენტო უმცირესობა არ ეთანხმება. მათი თქმით, ხელისუფლება ცდილობს, სასამართლო პროკურატურამ მართოს.
თავის მხრივ, იუსტიციის მინისტრის მოადგილე ალექსანდრე ბარამიძემ უმცირესობის განცხადებას უსაფუძვლო უწოდა. მან დეპუტატებს ის ცვლილებები გააცნო, რომელიც სისხლის სამართლის საპროცესო კოდექსში ახალი ხელისუფლების პერიოდში განხორციელდა.
"მთელი ამ ხნის განმავლობაში მახინჯი კანონმდებლობის გამოსწორებით ვიყავით დაკავებული. თუ გაინტერესებთ, კონკრეტულად გეტყვით, რას ვაკეთებდით, რომელიც თქვენ ნაჩქარევად და დაუფიქრებლად მიიღეთ. ჩვენ დავაბრუნეთ სასამართლო დარბაზებში ვიდეო კამერები. თქვენ ადვოკატებს ჩხრეკის გარეშეც არ უშვებდითთ სასამართლო დარბაზებში. როდესაც თქვენ დეკლარირება გამოაცხადეთ სისხლის სამართლის კოდექსში შეჯიბრითობის პრინციპის და სინამდვილეში აბსოლუტურად უთანასწორო ბრძოლაში ტოვებდით დაცვის მხარეს ბრალდებულთან. ჩვენ ამ მხრივ უზარმაზარი ცვლილებები შევიტანეთ. მაგრამ თქვენ ეს არ გაინტერესებთ", - მიმართა ბარამიძემ უმცირესობას.
ბარამიძის ამ განცხადებას უმცირესობის დეპუტატების მხრიდან ხმაური მოჰყვა. ისინი პარლამენტის ვიცე სპიკერისგან სიტყვით გამოსვლას ითხოვდნენ, რაზეც მანანა კობახიძემ დეპუტატებს რეგლამენტის დაცვისკენ მოუწოდა. "თქვენ არ ისაუბროთ კანონზე! ამიტომ გთხოვთ, დაიცვათ რეგლამენტი და მოვუსმინოთ სხვებს", - მიმართა მანანა კობახიძემ უმცირესობას.
თავის მხრივ იუსტიციის მინისტრის მოადგილე ალექსანდრე ბარამიძემ უმცირესობის წევრებს ზრდილობისკენ მოუწოდა. "თუ შეიძლება ნუ ყვირიხართ და ზრდილობა იქონიეთ! პარლამენტში ძველბიჭობას დაანებეთ თავი!", - განაცხადა ბარამიძემ.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
როგორ ცვლის ხელოვნური ინტელექტი ჩვენი ყოველდღიური ცხოვრების წესს?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
