მნიშვნელოვანი ინფორმაცია
17
ივნისიდღის ზოგადი ასტროლოგიური პროგნოზი
სამშაბათი, მთვარის ოცდამეერთე დღე დაიწყება 01:23-ზე, მთვარე თევზებშია – რეკომენდებულია ფინანსური საკითხების მოგვარება. კონტაქტი უფროსებთან და საზოგადო მოღვაწეებთან. იმუშავეთ როგორც ინდივიდუალურად, ასევე გუნდურად, ერთობლივად გადაჭერით საინტერესო საკითხები. იყავით ყურადღებიანი კრეატიული იდეების მიმართ. კარგია ხელშეკრულებებისა და კონტრაქტების გაფორმება, მივლინებაში წასვლა. ჩაერთეთ შემოქმედებით საქმიანობაში მოაწყვეთ შემოქმედებითი საღამო, კონცერტი, გამოფენა. ყველაფერი შეიძლება მიირთვათ, მთავარია ღვიძლი არ გადაიტვირთოთ, აი, ტკბილეულს კი მოერიდეთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
დღეიდან ურეცეპტოდ კიდევ 781 მედიკამენტი გაიცემა
07:22 / 15-09-2014
დღეიდან ურეცეპტოდ კიდევ 781 მედიკამენტი გაიცემა. როგორც სამინისტროში გამართულ პრესკონფერენციაზე ჟურნალისტებს რეგულირების სააგენტოს ფარმაცევტული დეპარტამენტის ხელმძღვანელმა დავით მაჭარაშვილმა განუცხადა, ამ მედიკამენტების ექიმის დანიშნულების გარეშე გამოყენება ნაკლებად საფრთხის შემცველია.
"გასულ კვირას ჯანდაცვის სამინისტროს მიერ გაკეთდა განცხადება ფარმაცევტული პროდუქტის რეკლასიფიკაციასთან დაკავშირებით. კერძოდ, მეორე ჯგუფიდან მესამე ჯგუფში 700-ზე მეტი დასახელების ფარმაცევტული პროდუქტის გადანაცვლებასთან დაკავშირებით. დღეს მოეწერა ბრძანებას ხელი და შესაბამისად ურეცეპტოდ გასაყიდ მედიკამენტთა სიას 781 დასახელების მედიკამენტი დაემატა. ამ ფარმაცევტულ პროდუქტებს მიეკუთვნება ისეთი სამკურნალო საშუალებები, როგორიც არის ანალგინის, ბარალგინის საინექციო ფორმები, ნოშპის საინექციო ფორმა, არასტერილური ანთების სამკურნალო საშუალებების საინექციო ფორმები, გარეგანი ადგილობრივი გამოყენების სამკურნალო საშუალებები, თვალისა და გულის წვეთები და ისეთი სამკურნალო საშუალებები, რომლის სარგებლისა და რისკის შედარების შედეგად სამინისტრომ მიიღო გადაწყვეტილება, რომ გაზრდილიყო მომხმარებლის ხელმისაწვდომობა სამკურნალო საშუალებებზე", - განაცხადა მაჭარაშვილმა.
მისივე თქმით, იმ მედიკამენტებს შორის, რომელი მედიკამენტებიც მეორე და მესამე ჯგუფში გადავიდა არის კეტონალი, ვოლტარენი, დიკლოფენაკი, ნოვალისი, პაპავერინი, დიბაზოლი, ნოშპა, ეუფელინი, სულფოკამფოკაინი, ბეტასერკი (ტაბლეტები), ვიტამინები (ამპულები), ვიაგრა, ნოვოკაინი, ლიდოკაინი, ჰეპტრალი, სინტომიცინი, ჰიდროკორტიზონი, ლორინდენი A და C, პრედნიზოლონი, ზოვირაქსი, ანალგინი (ამპულები) და რინგერი.
ამ დროისთვის არსებული მონაცემებით, მეორე ჯგუფში არსებული ფარმაცევტული პროდუქტის რაოდენობამ, რომელიც რეცეპტით გაიცემა შეადგინა 5 307 დასახელება, ურეცეპტოდ გასაცემი ფარმაცევტული პროდუქტების რაოდენობა კი 4 234-ია.
დღეს დამატებული მედიკამენტების სრული ნახვა ჯანდაცვის სამინისტროს ვებგვერდზეა შესაძლებელი.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
როგორ მიმდინარეობს საქალაქო სასამართლოში „სტრატეგია აღმაშენებლის“ ლიდერის, გიორგი ვაშაძის პროცესი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
