მნიშვნელოვანი ინფორმაცია
4
ივნისიდღის ზოგადი ასტროლოგიური პროგნოზი
4 ივნისი, ოთხშაბათი, მთვარის მეცხრე დღე დაიწყება 14:30-ზე, მთვარე სასწორში გადავა 17:41-ზე – დღის ენერგია უარყოფითად მოქმედებს ადამიანებზე. პროვოკაციების დღეა, უფრთხილდით მოტყუებას და ცდუნებებს, იყავით მოკრძალებული. ცოტა დაისვენეთ, აღიდგინეთ ძალა. მოუფრთხილდით პირად ნივთებს. იყავით თავშეკავებული და ტოლერანტული სამსახურში, კომუნიკაციაში, ეცადეთ არავის ანაწყენოთ. არ მიიღოთ მონაწილეობა სარისკო საქმიანობაში. არ არის რეკომენდებული ბიზნესის დაწყება, პრეზენტაციებსა და გასართობ ღონისძიებებზე დასწრება, ხელშეკრულებების გაფორმება. საბუთების შედგენა. აქტიური ორგანოებია: თირკმელები, შარდის ბუშტი, გამომყოფი სისტემა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ილია მეორე - წარმოუდგენელია ადამიანი იყოს წიგნების გარეშე, რადიო, ტელევიზია და სხვა საშუალებები არ არის საკმარისი
03:01 / 15-09-2014
სრულიად საქართველოს კათოლიკოს-პატრიარქმა ახალგაზრდებს მიმართა, სიღრმისეული ცოდნა წიგნებიდან მიიღონ. სიონის საკათედრო ტაძარში ამ წუთებში პარაკლისი დასრულდა , რომელიც სასწავლო წლის დაწყებასთან დაკავშირებით ახალგაზრდების დასალოცად შესრულდა.
პარაკლისი სრულიად საქართველოს კათოლიკოს-პატრიარქმა სასულიერო პირებთან და მღვდელმთავრებთან ერთად გადაიხადა. პარაკლისის დროს ლოცვებში უფალს შესთხოვეს, რათა ახალგაზრდებს სიბრძნე და კეთილგონიერება მისცენ. პარაკლისს სემინარიისა და აკადემიის სტუდენტები, მასწავლებლები და მრევლი ესწრებოდნენ.
პატრიარქმა პარაკლისის დაწყებამდე ტაძარში შეკრებილებს ქადაგებით მიმართა და სემინარიაში სწავლის პერიოდი გაიხსენა.
"სასწავლო წლის დასაწყისში სპეციალური პარაკლისი სრულდებოდა და ჩვენ ყველანი ვგრძნობდით იმ მადლს, რომელსაც ვღებულობდით. მახსენდება ჩვენი ერთ-ერთი პროფესორის სიტყვები, რომ თქვენ ათი სემინარია და აკადემია რომ დაამთავროთ არაფერი არ გამოვა, თუ ინდივიდუალურად თქვენს თავზე არ იმუშავებთო. მან გვირჩია შეგვექმნა პირადი ბიბლიოთეკა. ჩვენ გვქონდა სტიპენდია და ეს სტიპენდია ძირითადად წიგნების ყიდვაზე მიდიოდა. პროფესორები კითხულობდნენ ლექციებს და ზოგიერთი სტუდენტი კმაყოფილი იყო ამით. იყო სტუდენტების სხვა ნაწილი კი, რომლებიც მუშაობდნენ ბიბლიოთეკაში", - აღნიშნა კათოლიკოს-პატრიარქმა.
მისივე თქმით, მათი სასწავლო დღე დილის 7 საათზე იწყებოდა ლოცვით, 9 საათზე მათ უტარდებოდათ ლექციები, სამზე სადილი, შემდეგ კი ისინი მიდიოდნენ ბიბლიოთეკაში და კითხულობდნენ საღვთისმეტყველო წიგნებს, ფილოსოფიას, ფსიქოლოგიას, ანთროპოლოგიის და ისტორიის წიგნებს. პატრიარქის თქმით, ამან გამოიღო ძალიან კარგი შედეგი. პირადად ის გრძნობდა, რომ ეს საჭირო იყო მისთვის.
"წიგნების კითხვა ეს იყო საწყისი ჩემი ასეთი წინსვლის სემინარიასა და აკადემიაში 8 წლის განმავლობაში. მე ვკითხულობდი წიგნებს და ვიყავი პირველი. მოსწრებით პირველმა დავამთავრე სასულიერო აკადემია. წარმოუდგენელია ადამიანი იყოს წიგნების გარეშე. რადიო და ტელევიზია და სხვა საშუალებები არ არის საკმარისი. სიღრმისეული ცოდნა წიგნებიდან უნდა აიღოთ. ჩვენ შევთხოვთ უფალს, გახსნას ჩვენი გონება, გული. დიდი ფიზიოლოგი პავლოვი ამბობდა, ადამიანს გააჩნია ორი გონება, მცირე და დიდი. დიდი ეს არის ჩვენი აზროვნება. გული არის დიდი გონება. ღმერთმა ინებოს, რომ გაიხსნას ჩვენი გული და გონება, მცირეც და დიდიც", - აღნიშნა კათოლიკოს-პატრიარქმა.
უწმინდესმა დალოცა ახალგაზრდები და მათ ღვთისაგან ძალი და სიბრძნე უსურვა. კათოლიკოს-პატრიარქმა ასევე პარაკლისის დასრულების შემდეგ აღნიშნა, რომ დღეს მათ დალოცეს ყველა მოსწავლე, უმაღლესი სასწავლებლები, სახელმწიფო უნივერსიტეტი, სასულიერო სემინარია, აკადემიის სტუდენტები.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კიტ კელოგი - მჯერა, რუსეთის წინააღმდეგ აშშ-ის ახალი სანქციები მზადაა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
