მნიშვნელოვანი ინფორმაცია
1
ივნისიდღის ზოგადი ასტროლოგიური პროგნოზი
კვირა, მთვარის მეექვსე დღე დაიწყება 10:27-ზე, მთვარე ლომშია – მარტოობისა და თავმდაბლობის დღეა. ინტუიცია მძაფრდება. კარგია სუნთქვითი ვარჯიში და არომათერაპია. კარგია ზედა სასუნთქი გზებისა და ბრონქების გაწმენდა. რეკომენდებულია: მოაგვარეთ მატერიალური და ფულადი საკითხები. აკეთეთ საქმე. გამოავლინეთ თქვენი უნარები და ნიჭი. წარმატების მიღწევა ბევრ სფეროში შეიძლება. უმჯობესია თავი შეიკავოთ როგორც გრძელი, ასევე მოკლე მოგზაურობისგან. ეს დღე განკუთვნილია დასვენებისთვის.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"მაგრად "დავიქოქე", მაგარ რაღაცებს ვაპირებ, რომ ქართველი ხალხი ვასახელო" - ნუკა კვალიაშვილი
23:39 / 13-09-2014
"მოვდივარ, დამელოდეთ - მაგრად "დავიქოქე", მაგარ რაღაცებს ვაპირებ, რომ ჩემი ქართველი ხალხი საქართველოს ფარგლებს გარეთ ვასახელო", - გვითხრა ნუკა კვალიაშვილმა, რომელიც თავის გულშემატკივრებს "ფეისბუკით" აქტიურად ეკონტაქტება, სიახლეებს აცნობს, ხანდახან კი ცოტა არ იყოს, უხეშ "სტატუსებსაც" წერს...
- "ფეისბუკი" სულ გახსნილი მაქვს. ასე თუ ისე, შევდივარ და ვნახულობ. ხშირად იმ საიტებს ვსტუმრობ, სადაც ფილმებია განთავსებული და ვუყურებ. განსაკუთრებული სიხშირით "იუთუბზე" შევდივარ.
- სოციალურ ქსელში უცნობებს იმეგობრებ?
- რა თქმა უნდა! მეგობრების სია სავსე მაქვს. სულ 5000 "ფრენდი" და 15400 "გამომწერი" მყავს. უცნობები თუ არ დავიმეგობრე, სხვაგვარად არაფერი გამოვა. სხვათა შორის, "საქართველოს ვარსკვლავში" მონაწილეობამდე უცნობებს არ ვიმეგობრებდი.
- ახლა რა მიზნით იმეგობრებ? გინდა, შენი შემოქმედება გაიცნონ თუ გეშინია, არ თქვან, - "თავში აუვარდა", არ გვკადრულობსო?
- "ფეისბუკი" ინფორმაციის გასავრცელებლად საუკეთესო საშუალებაა. თავში რომ არ "ამივარდა", ისედაც ბევრმა იცის - ჩემი "პოსტების", პირადი ურთიერთობების საფუძველზე.
- შენს სახელზე დარეგისტრირებულ ცრუ "პროფილს" შენთვის რაიმე პრობლემა შეუქმნია?
- "ფეისბუკზე" ჩემს სახელზე ცრუ "პროფილი" მართლაც იყო გახსნილი, მაგრამ შესაძლებელია, "დაარეპორტო" და "ფეისბუკი" მას ოფიციალურად "დახურავს". იყო შემთხვევები, როცა ჩემი პირადი "პროფილის" გაუქმებას ცდილობდნენ. ქსელმა სამჯერ ტესტი "ამომიგდო" - ნამდვილად მე ვიყავი თუ არა. ერთხელ "ოდნოკლასნიკზე" ვიღაც ჩემი სახელით დარეგისტრირდა. მერე გავიგე, რომ ბავშვი იყო, რომელიც ჩემთან მეგობრობდა. ბოდიში მომიხადა. ის "პროფილი" "დავახურინე".
- "ფეისბუკის" მომხმარებლების კომენტარებს პასუხობ ხოლმე. უყურადღებოდ პირად შეტყობინებებსაც არ ტოვებ?
- იმდენად ბევრ წერილს ვიღებ, რომ დედის ან მეუღლის შეტყობინების წაკითხვას ვეღარ ვახერხებ. შემდეგ მირეკავენ და მეუბნებიან, - რაღაც მოგწერე და "გახსენიო". მოგეხსენებათ, შვილსაც ვზრდი. ასეთ მდგომარეობაში მყოფიც კი, როგორც შემიძლია, ვცდილობ, ყველა მესიჯს ვუპასუხო. ვისაც ვერ ვწერ, ბოდიშს ვუხდი - 8 ხელი არ მაქვს. თან, ვირტუალურის გარდა, რეალური ცხოვრებაც მაქვს.
- ძირითადად, უცნობები რას გწერენ?
- "საქართველოს ვარსკვლავში" მონაწილეობის პერიოდში, როცა ძლიერი კონკურენცია იყო, უარყოფითი მესიჯებიც მომდიოდა, ახლა - წერილების 99% დადებითია. ათასში ერთხელ თუ ვიღაც გამოჩნდება, ვინც რაიმე ცუდს მომწერს... მიხარია, რომ ადამიანები ჩემ მიმართ კეთილგანწყობილები არიან.
- ყოფილა შემთხვევები, როცა უარყოფითი კომენტარების ავტორებისთვის საჯაროდ უხეშად მიგიმართავს?
- უფლებას არავის მივცემ, ჩემს პირად ცხოვრებაში, ოჯახურ სიტუაციაში ჩაერიოს და საკუთარი აზრები აფრქვიოს. თუკი დაფიქრდებიან, მიხვდებიან, რომ ჩემს ადგილზე თავადაც ასე მოიქცეოდნენ.
- ვინმე "დაგიბლოკავს"?
- კი, კონკურსის პერიოდში უამრავი ადამიანი "დავბლოკე".
- ასეთი ადამიანები წერილებს სხვა "ექაუნთიდან" თუ გიგზავნიან?
- ვერ მიგზავნიან. უცხო ადამიანი ვერ მწერს, მესიჯის მოწერის უფლება მხოლოდ ჩემს მეგობრებს აქვთ. თუკი ჩემს "ფრენდ ლისტში" როგორღაც აღმოჩნდნენ, ყველას ვუპასუხებ, მაგრამ ისეთი ადამიანებიც არსებობენ, რომლებისთვისაც პასუხის გაცემას უბრალოდ, არ ვიკადრებ.
- მათ რიგში ცნობილებიც არიან?
- არა. კოლეგებთან მეგობრული ურთიერთობა მაქვს.
- ქსელში რა სახის ინფორმაცია გაღიზიანებს?
- სხვათა შორის, აბსოლუტურად არაფერს ვკითხულობ. შეიძლება, თვალში რაღაც მომხვდეს, მაგრამ ისეთი არაფერი ყოფილა, რომ "დამეჰაიდებინოს"... გამახსენდა: ერთი შემთხვევა იყო, როცა წერდნენ, "ბაიერნი" ვერ მოიგებსო. ამ "პოსტმა" გამაღიზიანა და "დავაჰაიდე" (იცინის).
- ფეხბურთის გულშემატკივარი ხარ?
- ქმარმა შემაყვარა. "ბაიერნის" თამაშს ვუყურებ ხოლმე.
- ბოლო დროს კიდევ უფრო გალამაზდი და "ფეისბუკის" მომხმარებლებიც ქათინაურს ხშირად გეუბნებიან. დიდი ძალისხმევა გჭირდება, რომ ასეთ კარგ ფორმაში იყო?
- ხომ ამბობენ ხოლმე, - ფეხმძიმობა მოუხდაო? მეც ასე დამემართა - ორსულობა მომიხდა (იცინის). წონაში ცოტათი მოვიმატე, სხეულის ფორმები შემეცვალა. ადრე ლამის ძვლები მიჩანდა, ისეთი გამხდარი ვიყავი.
- ვარჯიშობ? დიეტას იცავ?
- ვცდილობ, შემწვარი საკვები და თეთრი პური არ ვჭამო. ლუდს არ ვსვამ, სიგარეტის მოწევას თავი დავანებე. ახლა ვარჯიშს ვიწყებ... დიეტა არ დამიცავს. უბრალოდ, სწორად ვიკვებებოდი.
- როგორც მივხვდი, კარიერასთან დაკავშირებით რაღაც ახალს გეგმავ...
- ძალიან სერიოზული გეგმები მაქვს - მნიშვნელოვან პროექტზე ვმუშაობ. უბრალოდ, წინასწარ ვერ ვისაუბრებ...
- ნუკა, "ცხელ გულზე" დაწერილი სტატუსი თუ გინანია?
- არა. ალბათ იმიტომ, რომ ჰოროსკოპით სასწორი ვარ და ვიდრე რამეს დავწერ, მანამდე ყოველთვის ბევრს ვფიქრობ. ისიც გააზრებული მაქვს, თუ რა შეიძლება მოჰყვეს ჩემს სიტყვებს. კრიტიკის მოსასმენად მზად ვარ.
- "ფეისბუკზე" წერდი, - ვიღაცებმა რაღაცებში მაგრად დაიწყეს მობაძვაო... ვის გულისხმობ?
- ვინც საჭიროა, მიხვდებოდა. კარგია, როცა ადამიანს რაღაც კარგში ჰბაძავ, მაგრამ როცა ცდილობ, უკეთესი გამოჩნდე, ასეთი საქციელი ცოტა არ იყოს, მიუღებელია. თან, ავიწყდებათ, რომ 17-18 წლის ბავშვი არ ვარ. ალბათ იმიტომ ავიწყდებათ, რომ ძალიან მეგობრული, კომუნიკაბელური ვარ და არ ვიმჩნევ თუნდაც იმას, რომ მათზე უფროსი გახლავართ; შესაბამისად, მათზე უფრო მეტი ტვინი და გამოცდილება მაქვს - ცხოვრებაში ბევრი კარგი და ცუდი მინახავს.
- "მოწონებების" რაოდენობა შენს განწყობილებაზე მოქმედებს?
- ამას დიდ ყურადღებას არც ვაქცევ. ჩემთვის ის უფრო სასიამოვნოა, როცა ჩემთან დაკავშირებით, დადებით აზრს აფიქსირებენ ხოლმე. როცა ადამიანურად (და არა - შეურაცხმყოფელი ტონით) მწერენ, თუ რას ფიქრობენ ჩემ შესახებ, ყოველთვის ვცდილობ, გავითვალისწინო.
- შენი ფანების მიერ შექმნილი გვერდის ადმინისტრატორებს თუ იცნობ?
- ჩემი ოფიციალური გვერდის ადმინისტრატორთან ინტერნეტით ძალიან კარგი ურთიერთობა მაქვს; სხვებს არ ვიცნობ, მაგრამ სიამოვნებით გავიცნობდი. შეიძლება, მესიჯიც მოუწერიათ, მაგრამ ვერ ვნახულობ - შეუძლებელია, ჩემს "ინბოქსში" შეხვიდე და ნორმალურად რამე წაიკითხო, რადგან უამრავი შეტყობინება მოდის.
- თუ აკონტროლებ, შენს ოფიციალურ გვერდზე რას წერენ, რას აქვეყნებენ?
- კონტროლი არ მჭირდება, რადგან ვინც ადმინისტრატორად მყავს დანიშნული, ის საეჭვოს არაფერს დაწერს. თუ რაიმე ინფორმაცია კითხვის ნიშნის ქვეშ ექცევა, წინასწარ მეკითხება.
ეთო ყორღანაშვილი
(გამოდის ხუთშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გიორგი ბაჩიაშვილი - საქართველოს წარმომადგენლებმა, ივანიშვილის დავალებით, მიმართეს ბანდიტურ გზას და მოტაცებით ჩამომიყვანეს საქართველოში
კვირის კითხვადი სტატიები
მნიშვნელოვანი ინფორმაცია
მკითხველის რჩევით
