9
ივნისიდღის ზოგადი ასტროლოგიური პროგნოზი
"ვანოს შოუ" ახალი სეზონისთვის ემზადება. ვანო ჯავახიშვილმა "სარკესთან" ინტერვიუში ჯერ გავლილ შვებულებაზე, შემდეგ კი ახალი სეზონისთვის დაგეგმილ გადაცემებზე ისაუბრა.
როგორც აღმოჩნდა, ტელეწამყვანს შვებულებაში მიღებული სიამოვნებისთვის საზღაურის გაღება მოუწევს. ინტერვიუში ვანო ამბობს, რომ წონაში მოიმატა და ახლა სასურველი ფორმისთვის მძიმე და მტანჯველი დიეტის დაცვა უწევს, რომელისგანაც 4 კილოიანი კლების რეზულტატი უკვე მიიღო. ამასთან, იუმორისტი აღნიშნავს, რომ დიეტა თავადვე მოიფიქრა და იმ შემთხვევაში, თუ ის გაამართლებს, საკუთარი სახელობის დიეტა ექნება...
"ამ ზაფხულს კარგმა დასვენებამ რამდენიმე კილოგრამი მომამატებინა. ახლა კი უჭმელობის პერიოდი მაქვს. ეკრანი 5 კილოთი ადიდებს და გასუქებული ვანო არ მომწონს. ჩემს ძველ ვიდეოებს რომ გადახედოთ, ძალიან წიწკვი ბიჭი ვიყავი. იცით, ყველაზე მეტად რისი მეშინია? ჩემზე არავინ თქვას, აი, ის პუტკუნა ბიჭი, შოუ რომ მიჰყავსო, ან კიდევ - ვინმემ მითხრას, კარგად ჩაპუტკუნებულხარო. დიეტა რა იყო, არ ვიცოდი და ეს კატასტროფა ყოფილა!
საღამოს 9-დან 12 საათამდე ტანჯვის საათები მაქვს. ისეთი შეგრძნება მიჩნდება, რომ გული უნდა წამივიდეს. დღეში სულ 2-ჯერ ვჭამ - დილით ჩაის ვსვამ პატარა ნაჭერი ხაჭაპურით და საღამოს 5 საათზე ცოტა კარგად ვჭამ, რომ მერე თავი ცუდად არ ვიგრძნო.
რაციონიდან ტკბილი ამოვიღე. ეს ჩემი მოფიქრებული დიეტაა, იქნებ გაამართლოს და ჩემი სახელი დაერქვას. სხვათა შორის, 4 კილოგრამი უკვე დავიკელი".
