14
ივლისიდღის ზოგადი ასტროლოგიური პროგნოზი
შოუმენი ნიკა ქავთარაძე, რომელიც მეუღლეს ხანგრძლივი თანაცხოვრების შემდეგ რამდენიმე წლის წინ დაშორდა, პირად ცხოვრებაზე "სარკესთვის" მიცემულ ინტერვიუში კიდევ ერთხელ ალაპარაკდა. ქავთარაძე ამბობს, რომ ის დღესაც შეყვარებულია, და ზოგადად, სიყვარულის გარეშე მისთვის ცხოვრება წარმოუდგენელია.
ამავე ინტერვიუში ქავთარაძემ აღნიშნა, რომ ქორწინების პერიოდში ის მეუღლის სახლში ცხოვრობდა, მას შემდეგ კი, რაც მეუღლეს დაშორდა, ის თბილისში ქირით, მშობლებთან და ძმასთან ერთად ცხოვრობს. "ჩემს ასაკში მშობლებთან ერთად ცხოვრება არაადეკვატურია", - ამბობს ქავთარაძე.
ჟურნალისტის კითხვაზე, რთულია თუ არა შვილებსა და ყოფილ მეუღლეზე პასუხისმგებლობის აღება, ნიკა ქავთარაძე პასუხობს:
"შვილებზე - კი, მაგრამ ყოფილ ცოლზე პასუხისმგებლობის აღების აუცილებლობას ვერ ვხედავ. შვილები ჩემთან დროს ატარებენ. ჩართულიც ვარ მათ აღზრდა-განათლებაში და ა.შ. ჩემთან კვირაში ერთ ან ორ დღეს ატარებენ, შეთანხმებისამებრ. ვცდილობ, კარგი მამა ვიყო..."
შოუმენის თქმით, ის ყოფილ მეუღლეს მსოფლმხედველობრივი შეუთავსებლობის გამო დაშორდა.
"ამ სტატიის წაკითხვის შემდეგ ჩემს ლანძღვას სწორედ ამ ნაწილის გამო დაიწყებენ - მაგ უნამუსომ სამი შვილი როგორ მიატოვაო, მაგრამ არ გამოვიდა სხვაგვარად. ყველას თავისი ცხოვრება აქვს და ერთმანეთის არჩევანს პატივი უნდა ვცეთ", - ამბობს "სარკესთან" საუბრისას ნიკა ქავთარაძე.
