დიმიტრი შაშკინის 1 მოსაზრება და 3 რიტორიკული შეკითხვა "რეიდებთან" დაკავშირებით

თავდაცვისა და განათლების ყოფილი მინისტრი დიმიტრი შაშკინი ე.წ. "რეიდებთან" დაკავშირებით სოციალურ ქსელში წერს.

1 მოსაზრება და 3 რიტორიკული შეკითხვა რეიდებთან დაკავშირებით.

მოსაზრება:

მსოფლიოში არ არსებობს არც ერთი ნორმალური ქვეყანა, სადაც პოლიცია ამგვარ "რეიდებს" ატარებს. ეს მოქმედება შედეგის მომტანი რომ ყოფილიყო რა, აშშ, საფრანგეთი ან გერმანია არ ჩაატარებდა? ამ ღონისძიების ეფექტიანობა ძალიან დაბალია და მარტო კრიმინალთან ბრძოლის ილუზიას ქმნის და პრობლემებს უქმნის ჩვეულებრივ მოქალაქეებს. ჩვენ ხომ არ ვცხოვრობთ ჩრდილოეთ კორეაში, სადაც შეიძლება მოსახლეობას დააჯერო, რომ მოიგე მსოფლიო ჩემპიონატი ფეხბურთში. ხომ ვმოგზაურობთ მსოფლიოში, არსად ევროპაში ხომ ასეთი რამ არ გვინახავს.

რიტორიკული შეკითხვები:

1. თუ ვანო მერაბიშვილს "რეიდების" გარეშე შეეძლო კრიმინოგენული სიტუაციის კონტროლი და თბილისი ყველაზე უსაფრთხო ქალაქი იყო ევროპაში, ახლა რატომ დადგა ამის საჭიროება?

2. ხელისუფლება ხომ ამბობს, რომ სტატისტიკურად დანაშაული არ გაზრდილა. ანუ, სტატისტიკა იტყუება თუ ხელისუფლებაა პანიკაში, რომ მდგომარეობა კონტროლიდან გავიდა?

3. რეიდების მერე ბლოკ-პოსტების მოწყობას უნდა ველოდოთ?