წალენჯიხის მუნიციპალიტეტის ქალაქ ჯვარში მცხოვრები დავით ქუხილავას ოჯახი პოლიციას ძალადობაში ადანაშაულებს. ქუხილავა დღეს დილით ნათესავის სახლში ყოფნისას დააკავეს. დაკავებულის ახლობლების განცხადებით, პოლიციელები სახლში კარის შემტვრევით შევიდნენ და ოჯახის წევრებს ფიზიკური და სიტყვიერი შეურაცხყოფა მიაყენეს.
ქუხილავები აცხადებენ, რომ დაკავებამდე დავით ქუხილავას პოლიციელებმა შარვლის ჯიბეებში მარიხუანა ჩაუყარეს. მარიხუანა დაკავების ადგილასაც არის დაყრილი. ოჯახის დიასახლისი ჟანა ბებია ამტკიცებს, რომ დავით ქუხილავა პოლიციას წინააღმდეგობას უწევდა და ნარკოტიკის ჯიბეში ჩადების საშუალებას არ აძლევდა, რა დროსაც სამართალდამცველებს მარიხუანა ოთახშიც დაეყარათ.