მნიშვნელოვანი ინფორმაცია
25
მაისიდღის ზოგადი ასტროლოგიური პროგნოზი
კვირა, მთვარის ოცდამერვე დღე დაიწყება 03:43-ზე, მთვარე კუროშია – დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. კარგი დღეა ბუნებაში სასეირნოდ, მიწაზე სამუშაოდ. რაციონიდან გამორიცხეთ პროდუქტები, რომლებიც სახამებელსა და ნახშირწყლებს შეიცავს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"კაზანტიპის" შედეგები - პოპულარული პროექტიდან "მდარე ფესტივალამდე"
02:59 / 09-09-2014
ანაკლიაში დასრულდა სახეცვლილი "კაზანტიპი" - "რეალობის ალტერნატიული რეალობა", რომლის გამართვასაც წინ უძღოდა არაერთი დისკუსია, შეხვედრა, საპროტესტო გამოსვლები სასულიერო პირთა და მრევლის მონაწილეობით. საბოლოოდ პროექტი მაინც განხორციელდა, თუმცა ორგანიზატორების და ადგილობრივი მოსახლეობის მოლოდინი არ გამართლდა. ანაკლია-განმუხურს დაანონსებულზე გაცილებით ცოტა დამსვენებელი ეწვია და სარგებელიც თავდაპირველი განწყობების ადექვატური არ აღმოჩნდა.
ხალხის სიმცირე განსაკუთრებით ფესტივალის ბოლო დღეს შეიმჩნეოდა. კვების ობიექტების უმრავლესობა დახურული, კონსტრუქციები დაშლილი, მაგიდები დაცარიელებული იყო და მცირე მეწარმეებიც უკმაყოფოფილო სახეებით ისხდნენ საკუთარ დახლებთან. თითქმის ყველა მათგანი აღნიშნავს, რომ მოლოდინები არ გაუმართლდათ. ტურისტების სიმცირის ერთ-ერთი მიზეზი კი მათი დაკვირვებით, პროდუქტებზე დაწესებული ღირებულება გახდა, რის გამოც რამდენიმე ასეულმა მათგანმა მეორე დღესვე უკან გაბრუნების გადაწყვეტილება მიიღო.
"ნახევარი სესხად გავაკეთე, ნახევარი ცოცხლად, დახმარებით. ზარალი მაქვს 8 ათასი. ზვავი ჩამოწვა, რუსეთიდან ვერ შემოვიდნენო. იყო პატარა პრობლემები. შუქი გაგვეთიშა. მერე საიდანღაც ნათხოვარი ქვესადგური მოიტანეს, იმას სამი საათი ცვლიდნენ. 50 გრადუსიან სიცხეში კი 2 ათასი ლარის პროდუქტი გამიფუჭდა. ახლა მე უნდა ვიწვალო, მე უნდა ვიჯახირო, რომ სესხი დავფარო. ძალიან ცუდად იყო ჩატარებული. ორგანიზატორებმა მოატყუეს მთავრობა, მთავრობამ ორგანიზატორები, არავინ არაფერს არ მიხედა. ვინც ჩამოვიდა და ვისთანაც გვქონდა კონტაქტი, ამბობდნენ, რომ საქართველოში მეორეჯერ არ ჩამოვლენ", - ამბობს ერთ-ერთი კვების ობიექტის მფლობელი მურმან გოგოხია.
მცირე მეწარმე მიტო შელიას სავაჭრო ობიექტთან ერთად საოჯახო ტიპის სასტუმროც აქვს. ამბობს, რომ ქართველებს ბიზნესის არაფერი ესმით და "ერთ დღეში მილიარდების შოვნა უნდათ", რაც საქმისადმი არასწორი მიდგომაა და შედეგიც ადექვატური დგება.
"მე ფასები იგივე შევინარჩუნე, რაც მანამდე მქონდა. ტურისტებიც მივიღე, ხარჯები უფრო მეტი მქონდა, მაგრამ მოძრაობა მქონდა და ზარალი არ მაქვს. სასტუმრო ჩემი ფულით ავაშენე და "კაზანტიპის" იმედად არ გამიკეთებია. წელს მოგება არ მაქვს, მაგრამ მომავალში ოთახები ხომ დამრჩა? ტურისტების ნაკლებობას სამღვდელოებამაც შეუშალა ხელი. გარყვნილება იქნებაო. არაფერი არ მომხდარა", - ამბობს მიტო შელია.
რაც შეეხება უშუალოდ ე.წ. კაზანტიპის რესპუბლიკის ტერიტორიას, აქ დაწესებული ფასებით უკმაყოფილო დარჩნენ უცხოელი ტურისტები. როგორც ისინი აღნიშნავენ, ღონისძიება მაღალ დონეზე ჩატარდა, თუმცა ფასები რომ შემცირებულიყო, უკეთესი იქნებოდა. უკრაინის მოქალაქე ალიონას თქმით კი, მას ე.წ. რესპუბლიკის ტერიტორიაზე განთავსებული დახლების შემოთავაზებით პრაქტიკულად არ უსარგებლია და ცდილობდა, საკვები სახლში მოემზადებინა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ჩრდილოეთ კორეის ახალმა სამხედრო ხომალდმა კატასტროფა განიცადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
