"ივანიშვილის რეზიდენციასთან გადაგდებული ხურდა" - გოგა ხაჩიძის "ტრადიციული რიტუალი"

საპარლამენტო უმცირესობის წევრი, გოგა ხაჩიძე, ფეისბუქზე ვიდეოს ავრცელებს, რომელიც მისი მანქანიდან ბიძინა ივანიშვილის ბიზნეს-ცენტრთან ჩავლის დროს არის გადაღებული. როგორც ვიდეოდან ირკვევა, დეპუტატი ყოფილი პრემიერ-მინისტრის  რეზიდენციასთან ჩავლის დროს, განსაკუთრებულ რიტუალს ასრულებს.

გოგა ხაჩიძის განსაკუთრებული დამოკიდებულება ივანიშვილის მიმართ ახალი არ არის. ჯერ კიდევ ერთი წლის წინ, დეპუტატი ყვებოდა თუ რა განცდა ეუფლებოდა მას, როცა რეზიდენციის გვერდით ჩაივლიდა.

პალიტრაTV-ს გადაცემა "ემას შოუს" ეთერში, მან ბიძინა ივანიშვილის ბიზნეს-ცენტრთან მანქანით ჩავლის კონკრეტული შემთხვევა გაიხსენა.

"მთაწმინდიდან მოვდიოდი მანქანით. გვიანი იყო, ღამის 3-4 საათი. იმ მომენტში მას ეძინა, იმედია. ამ 40-წამიან მონაკვეთში, სანამ მანძილს გავივლიდი, მძინარე პრემიერ-მინისტრმა იშოვა გაცილებით მეტი ფული, ვიდრე მთელმა ჩემმა გვარმა".

რაც შეეხება დღევანდელ შემთხვევას, თუ რაში მდგომარეობს დეპუტატის "რიტუალი", ვიდეოში იხილავთ.