5
ივნისიდღის ზოგადი ასტროლოგიური პროგნოზი
საქართველოს პრეზიდენტი გიორგი მარგველაშვილი დღეს იუბილარია. დაბადების დღეს მარგველაშვილი უელსში, ნატო-ს სამიტზე ატარებს.
საქართველოს პრეზიდენტმა, გიორგი მარგველაშვილმა ნატო-ს სამიტის ფარგლებში პირველი ორმხრივი შეხვედრა ნატო-ს გენერალურ მდივანთან ანდერს ფოგ რასმუსენთან გამართა.
შეხვედრის შესახებ ქართველ ჟურნალისტებთან კომენტარი გააკეთა საგარეო საქმეთა მინისტრმა მაია ფანჯიკიძემ. კითხვაზე, თუ რა საჩუქარი მიიღო მარგველაშვილმა რასმუსენისგან, ფანჯიკიძე პასუხობს, რომ ისურვებდა საჩუქარი ყოფილიყო ნატო-ს წევრობა.
"ჩვენ ვთხოვეთ ბატონ რასმუსენს, რომ პრეზიდენტისთვის ეჩუქებინა ბევრად მეტი, ვიდრე არის გათვალისწინებული, და ეჩუქებინა ნატო-ს წევრობა. ეს ხუმრობით, ცხადია, თუმცა ძალიან სიმბოლურია, რომ მისი დაბადების დღე დაემთხვა ნატო-ს სამიტს", - ამბობს ჟურნალისტებთან საუბრისას საქართველოს საგარეო საქმეთა მინისტრი მაია ფანჯიკიძე.
შეგახსენებთ, რომ საქართველოს პრეზიდენტმა ნატოს გენერალურ მდივანს მადლობა გადაუხადა საქართველოს მტკიცე მხრდაჭერისთვის ჩრდილოატლანტიკურ ალიანსში ინტეგრაციის გზაზე და განაცხადა, რომ საქართველოსთვის უმნიშვნელოვანესია ის, რომ ალიანსი სათანადოდ
აფასებს საქართველოს პროგრესს.
შეხვედრისას, იმედი გამოითქვა, რომ მიმდინარე სამიტი საქართველოს მისცემს ნატოში გაწევრების ბიძგს.
მხარეებმა ყურადღება იმ პაკეტზე გაამახვილეს, რომელსაც საქართველოს ამ სამიტის შედეგად მიიღებს. როგორც ნატოს გენერალურმა მდივანმა აღნიშნა, ქვეყნისთვის ეს იქნება უმნიშვნელოვანესი იმპულსი ნატო-ში ინტეგრაციისთვის მოსამზადებლად და პროცესის უკეთესად წარმართვისთვის.
გიორგი მარგველაშვილმა იმედი გამოთქვა, რომ სამიტის საბოლოო შედეგი გაზრდის საქართველოს უსაფრთხოებასა და დაცულობას.
