მნიშვნელოვანი ინფორმაცია
3
ივნისიდღის ზოგადი ასტროლოგიური პროგნოზი
სამშაბათი, მთვარის მერვე დღე დაიწყება 13:13-ზე, მთვარე ქალწულშია – დღეს დაწყებული და დაგეგმილი ყველაფერი გაცილებით ნელა მიმდინარეობს, ვიდრე ჩვენ გვსურს. შესაძლებელია მოვლენების მოულოდნელი შემობრუნება, კონფლიქტები და საგანგებო სიტუაციები. რეკომენდებულია კრეატიული მიდგომები ძველი პროექტების განსახორციელებლად. მოაგვარეთ მხოლოდ მცირე ფინანსური საკითხები. მოძებნეთ ახალი პარტნიორები. ინდივიდუალურად იმუშავეთ. შეზღუდეთ კოლექტიური მუშაობა. შეგიძლიათ დაიცვათ მარხვა, შესაფერისია მსუბუქი საკვები, მარცვლეული და თევზი. ალკოჰოლი და ნიკოტინი უკუნაჩვენებია.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"საპატრიარქო ბოტკოველისა და მისთანათა ფულის საჭრელი მანქანაა" - მღვდელმონაზონი ბრალდებას პასუხობს
08:47 / 04-09-2014
საქართველოს კათოლიკოს-პატრიარქის მდივანმა, მამა მიქაელ ბოტკოველმა ერთ-ერთ ინტერნეტ-გამოცემასთან საუბარში განაცხადა, რომ საქართველოს საპატრიარქოს არ აქვს ოფიციალური პოზიცია იმის შესახებ, თუ ვინ არის პასუხისმგებელი უკრაინაში მიმდინარე აგრესიაზე. მისი განმარტებით, ეკლესია პოლიტიკური ორგანიზაცია არ არის, რომ უკრაინის აღმოსავლეთში მიმდინარე მოვლენები შეაფასოს.
ბოტკოველის ამ განცხადებას "ფეისბუქის" პირად გვერდზე მღვდელმონაზონი ილია ვაშაკიძე ეხმაურება.
"რაიო, რაიო? მე ეკლესია ვარო და არა პოლიტიკური ორგანიზაციაო?! რაიო, რაიო? ჩემი საქმე პოლიტიკა არ არისო?! რაიო, რაიო? ფული რა არისო?!
სირცხვილი არა გაქვთ, არა გაქვთ. სინდის-ნამუსი არა გაქვთ, არა გაქვთ. მკაფიო პოზიცია არაფერზე არა გაქვთ და არც გქონიათ. ამ ხალხს რაღას ერჩით? არ გაინტერესებთ ხალხო, ერთი გვიპასუხოს მამა მიქაელმა, როდის ქონია საპატრიარქოს ნათელი და მკაფიო პოზიცია რომელიმე მწვავე მოვლენასთან დაკავშრირებით? როდის ვეუბნებოდი მე ამ ნაძირალებს, რომ საპატრიარქო ეკლესია არ ხართ-თქო. ეკლესია ქრისტეს ცოცხალი სხეულია, საპატრიარქო კი ბოტკოველისა და მისთანათა ფულის საჭრელი მანქანაა. გადაიხედონ წარსულში და თავად სახალხოდ აღიარონ ყველაფერი. თქვენი აზრი მაინტერესებს ხალხო, ესენი ლუსტრირებულები არ არიან უკვე? სუფთა შაითან ბაზარია, რა.
ყვარყვარე, შენ გენაცვალეეეეეეე - ესაა ამათი სლოგანი", - წერს ვაშაკიძე.
მღვდელმონაზონი კრიტიკული პოსტებით არის ცნობილი, რის გამოც საზოგადოების ნაწილის მხრიდან თავადაც არაერთხელ გამხდარა კრიტიკის ობიექტი.
"ხშირად ბრალს მდებენ, რომ ეკლესიაში განხეთქილების შეტანა მსურს. არამც და არამც. ხშირად ბრალს მდებენ იმაშიც, რომ პატრიარქისა და სასულიერო პირების დისკრედიტაციას ვეწევი. არამც და არამც, ქრისტეში საყვარელნო. თავად პატრიარქის ლოცვა-კურთხევით დაარსდა "კრიტიკისა და ანალიტიკური აზროვნების ცენტრი". აი ეს არის ჩემი პასუხი, ქრისტეში საყვარელნო.
1) მე არგუმენტების გარეშე არავისზე არაფერს არ ვწერ.
2) მე ვწერ საპატრიარქოში მყოფ ფუნქციონერთა არაეკლესიური ქმედებებისა და გამონათქვამების შესახებ.
3) მიუხედავად ჩვენი უსჯულოებისა, ეკლესია წმიდაა, უმანკოა და ყველასათვის მშობელია, რამეთუ იგი დედაა და ამავდროულად ქრისტეს ცოცხალი სხეულია.
4) მე ევქარისტიულ კავშირში ვიმყოფები მის უწმიდესობასთან და საქართველოს ეკლესიის წმიდა სინოდთან.
მე კი არ განვიკითხავ (თუმცაღა განვიკითხავ საკუთარ თავს), მე კი არ განვიკითხავ, ვამხილებ არა ეკლესიას, არამედ საპატრიარქოს ფუნქციონერთა არაეკლესიურ ქმედებებს.
5) ეკლესიისგან განსხვავებით საპატრიარქო ერთ-ერთი ინსტიტუციაა, რომელიც მინდა შერწყმული იქნას დედაეკლესიასთან.
სულ ისმის "საპატრიარქოს პოზიცია, საპატრიარქოს პოზიცია". ამ დროს საპატრიარქოს პოზიცია ან გააჩნია ან არ გააჩნია. ამის მიუხედავად ეკლესიის პოზიცია პოზიციის გამოხატვის გარეშეც ნათელია მათთვის, ვისაც უნდა ამის დანახვა.
ახლა შესძელით, ქრისტეში საყვარელნო, დიფერენცირების მოხდენა, თუ რამდენად ასცდა საპატრიარქო ქრისტეს, ანუ დედაეკლესიას, ქრისტეს ცოცხალ სხეულს?
ღმერთმა დაგლოცოთ. მოიხსენიეთ ლოცვებში ჩემი უღირსება", - წერს ვაშაკიძე.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რუსეთ-უკრაინის პირდაპირი სამშვიდობო მოლაპარაკებების მეორე რაუნდი დღეს, კვლავ სტამბოლში შედგება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
