”მეწვრილმანე მილიონერს” ვლადიმერ პუტინის ყოფილი ცოლის შერთვა სურს

ნოვოსიბირელ პენსიონერ იური ბაბინს, რომელიც ცნობილია ზედმეტსახელით ”მეწვრილმანე მილიონერი” სურს, ვლადიმერ პუტინის ყოფილი მეუღლის ცოლად მოყვანა. როგორც მამაკაცი ამბობს, ის უკვე ორი თვეა სერიოზულად ფიქრობს ამაზე, მაგრამ არ ჩქარობს, რადგან ყველაფრის კარგად გათვლა სურს. მას შემდეგ, რაც სატელეფონო საუბრისას ამ საკითხზე რუსეთის პრეზიდენტის პასუხი მიიღო, მიხვდა, რომ მოქმედების დრო დადგა.

”ვხვდები, რომ ძალიან მცირე შანსები მაქვს, მაგრამ იმედი ბოლოს კვდება. ვფიქრობ, მოვეწონები, ქალებთან, რომლებთანაც ურთიერთობა მქონია, ყველას მოვწონდი”, - ამბობს პენსიონერი.

მოქმედებას ბაბინი მედიის საშუალებით აპირებს. თუ მედიით ლუდმილა ალექანდროვა ვერ გაიგებს იურის შეთავაზებას, მამაკაცი მზადაა ინტერნეტით ან პრეზიდენტის ადმინისტრაციის მეშვებოდით დაუკავშირდეს.

პენსიონერი დარწმუნებულია, რომ ლუდმილა ალექსანდროვას უზრუნველყოფას მარტივად შეძლებს. ის 600 კვადრატული მეტრი ფართის კოტეჯში ცხოვრობს. არასოდეს მოუწევია, არ დაულევია და ვარჯიშითა და სამთო სპორტითაა დაკავებული.

ბაბინმა ზედმეტსახელი ”მეწვრილმანე მილიონერი” მას შემდეგ მიიღო, რაც 2012 წლის დეკემბერს ხურდების კოლექცია გამოიტანა გასაყიდად. 2013 წელს ის გვარის ოფიციალურად შეცვლას და ”დიდი რუსეთის პრეზიდენტი ბაბინი”-ს დარქმევას ცდილობდა, თუმცა მას რაიონის ცენტრალურ სასამართლოში უარი განუცხადეს.