მნიშვნელოვანი ინფორმაცია
17
ივნისიდღის ზოგადი ასტროლოგიური პროგნოზი
სამშაბათი, მთვარის ოცდამეერთე დღე დაიწყება 01:23-ზე, მთვარე თევზებშია – რეკომენდებულია ფინანსური საკითხების მოგვარება. კონტაქტი უფროსებთან და საზოგადო მოღვაწეებთან. იმუშავეთ როგორც ინდივიდუალურად, ასევე გუნდურად, ერთობლივად გადაჭერით საინტერესო საკითხები. იყავით ყურადღებიანი კრეატიული იდეების მიმართ. კარგია ხელშეკრულებებისა და კონტრაქტების გაფორმება, მივლინებაში წასვლა. ჩაერთეთ შემოქმედებით საქმიანობაში მოაწყვეთ შემოქმედებითი საღამო, კონცერტი, გამოფენა. ყველაფერი შეიძლება მიირთვათ, მთავარია ღვიძლი არ გადაიტვირთოთ, აი, ტკბილეულს კი მოერიდეთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ანტიბიოტიკების არასაჭიროებისამებრ გამოყენების მაჩვენებელი 40 პროცენტით გაიზარდა
23:17 / 01-09-2014
ინგლისში ჩატარებულმა კვლევამ ცხადყო, რომ იმ პაციენტთა რიცხვი, რომლებიც ხველისა და გაცივებისას ანტიბიოტიკს იღებენ, ამ საუკუნეში 40%-ით გაიზარდა. დიდი ხანია, ინგლისის მთავრობა ანტიბიოტიკების რეცეპტით გამოწერის რიცხვის შესამცირებლად კონკრეტული ზომების გატარებას ცდილობს, მაგრამ გაირკვა, რომ - უშედეგოდ. მეცნიერების თქმით, ანტიბიოტიკს არანაირი ეფექტი არ გააჩნია ხველისა და გაცივებისას, ის მხოლოდ ყელის ტკივილის შემთხვევაში მოქმედებს, ისიც, შემთხვევების 10%-შია წარმატებული.
ლონდონის უნივერსიტეტის კვლევამ ოჯახის ექიმების გამოცდილებაც შეისწავლა. კვლევის ფარგლებში მეცნიერებმა 1999-2011 წლების 500-ზე მეტი ოჯახის ექიმის გამოცდილება შეისწავლეს. 1999 წელს იმ პაციენტთა რაოდენობა, რომელთაც ოჯახის ექიმმა ხველისა და გაცივებისას ანტიბიოტიკი გამოუწერა, 36% გახლდათ, 2011 წლისთვის კი მაჩვენებელი 51%-მდე გაიზარდა. ახლახან პრემიერ-მინისტრმა დევიდ კემერონმა განაცხადა, რომ მსოფლიო მედიცინა შესაძლებელია, ძველ, ბნელ წლებში დაბრუნდეს, თუკი ანტიბიოტიკების არასწორი მოხმარების აღმოსაფხვრელად მსოფლიო კონკრეტულ ნაბიჯებს არ გადადგამს.
ჯანდაცვის დეპარტამენტმა ანტიბიოტიკების გამოწერის შემცირების შესახებ რეკომენდაციები ჯერ კიდევ 1998 წელს გასცა. მათ შორის იყო მოწოდება, რომ არ გამოწერილიყო ისინი ჩვეულებრივი ხველის, გაცივების ან ვირუსული ყელის ტკივილისას.
კვლევის მიხედვით, ანტიბიოტიკების დიდი ნაწილი ყურის ინფექციებისას არის გამოწერილი. პაციენტების 97%-ს ამ შემთხვევაში ანტიბიოტიკს ოჯახის ექიმი უწერდა.
ჯერემი ჰოუკერი, ექიმი-ეპიდემიოლოგი:
- გადაჭრით ვერ ვიტყვით, რომ ანტიბიოტიკის გამოწერა გაცივების ან გრიპის არც ერთი შემთხვევისას არაა საჭირო, მაგრამ ჩვენი კვლევა ცხადყოფს, რომ ეს საკითხი მკაცრად უნდა გადაიხედოს.
მოურენ ბეიკერი, ოჯახის ექიმი:
- ანტიბიოტიკები ძალზე ეფექტიანი წამლებია, თუ მათ საჭიროებისამებრ გამოვიყენებთ. სამწუხაროდ, ექიმები "შემაშფოთებლად ენდობიან" მათ. გარდა ამისა, ოჯახის ექიმები ხშირად ამ წამლებს ძლიერი ზეწოლის ქვეშ წერენ ხოლმე ისეთი უმნიშვნელო სიმპტომების დროსაც კი, რომლებიც წამლის გარეშეც გაივლის ან მკურნალობის სხვა საშუალებებსაც დაექვემდებარება. ზეწოლას თავად პაციენტი ახორციელებს. აუცილებელია, წინა თაობამ და საზოგადოებამ იცოდნენ იმ რისკების შესახებ, რომლებიც ანტიბიოტიკების არასაჭიროებისამებრ გამოყენებას უკავშირდება, ამასთანავე - როგორ გამოვიყენოთ ისინი პასუხისმგებლობითა და სიფრთხილის დაცვით. ეს კვლევა კიდევ ერთხელ ადასტურებს იმ პაციენტების არაკეთილგონივრულობას, ვინც ექიმებს ანტიბიოტიკის გამოწერას აიძულებენ და არ ეთანხმებიან ექიმის მიერ შეთავაზებულ მკურნალობის ალტერნატიულ გზებს.
სელი ბეიკერი, ინგლისის მთავარი სახელმწიფო ექიმი:
- სამედიცინო პერსონალი ხსენებული პრობლემის გადასაჭრელად ბრძოლის წინა ხაზზე დგას, მაგრამ ეს არ არის საკმარისი. ამ საქმეში თითოეული მოქალაქის ჩაბმაა საჭირო, განსაკუთრებით, იმ პაციენტების, ვინც ექიმებს ანტიბიოტიკის გამოწერას აიძულებს.
საქართველოში ანტიბიოტიკების შესახებ ევროპის ინფორმირებულობის დღე პირველად 2013 წელს აღინიშნა. როგორც აღმოჩნდა, პრობლემა ჩვენს ქვეყანაშიც მწვავედ დგას. იმერეთის რეგიონში ჩატარებული კვლევის თანახმად, ექიმის მიერ პაციენტისთვის გამოწერილი ათი ანტიბიოტიკიდან ცხრა არასაჭიროებისამებრ იყო დანიშნული... ბავშვთა ასაკში წამყვანი პრობლემა სასუნთქი გზების დაავადებებია, რომელიც უმეტეს შემთხვევაში, ვირუსულია. ანტიბიოტიკი ამ დროს არათუ სასურველი არ არის, არამედ უფრო მეტიც - ორგანიზმში რეზისტენტულ ფონს ქმნის. ანტიბიოტიკის არასაჭიროებისამებრ დანიშვნის მიზეზებს შორის ექიმების დაბალ კვალიფიკაციასა და თვითმკურნალობას ასახელებენ.
შორენა ლაბაძე
(გამოდის ხუთშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ევროკავშირმა რუსეთის წინააღმდეგ ყირიმის ანექსიისთვის დაწესებული სანქციები ერთი წლით გაახანგრძლივა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
