მნიშვნელოვანი ინფორმაცია
15
ივნისიდღის ზოგადი ასტროლოგიური პროგნოზი
კვირა, მთვარის მეცხრამეტე დღე დაიწყება 01:02-ზე – ფრთხილად იყავით სიტყვებთან და ქმედებებთან, იოლია კონფლიქტური სიტუაციის პროვოცირება. დღე მშვიდად გაატარე, მაგრამ არა მარტოობაში. ყურადღებით შეამოწმეთ ყველა ინფორმაცია. სერიოზული საქმეები გადადე. გაასუფთავეთ თქვენი სამუშაო ადგილი არასაჭირო ნივთებისგან. არ არის რეკომენდებული ხელშეკრულებების გაფორმება, ახალ სამსახურში გადასვლა. დაუფიქრებლად მოქმედება, მთვრალ ადამიანებთან ურთიერთობა, უცნობ ადამიანებთან კონტაქტი. მიიღეთ მარტივი საკვები და დაიცავით დიეტა. ორგანიზმის გადატვირთვამ შეიძლება გამოიწვიოს უსიამოვნო შედეგები.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
დამრიგებლებისთვის მშობლებთან რეგულარული კომუნიკაცია სავალდებულო ხდება
04:36 / 22-08-2014
დამრიგებლებისთვის მშობლებთან რეგულარული კომუნიკაცია სავალდებულო ხდება. საქართველოს განათლებისა და მეცნიერების სამინისტრო მშობლების სასკოლო ცხოვრებაში ჩართულობასთან დაკავშირებით ახალ პროგრამებს იწყებს, რომელთა პრეზენტაცია დღეს მინისტრმა თამარ სანიკიძემ გამართა.
თამარ სანიკიძის განცხადებით, მშობელთა ჩართულობის პროგრამა სხვა ქვეყნებში პოპულარულია, რამაც დიდი ზეგავლენა იქონია სწავლის შედეგების გაუმჯობესებაზე.
მისივე თქმით, ეროვნულ სასწავლო გეგმაში არსებული ჩანაწერი კლასის დამრიგებლებს დაავალდებულებს, იქონიოს მშობელთან მუდმივი და სტაბილური კომუნიკაცია.
"ეროვნული სასწავლო გეგმის ჩანაწერის მიხედვით, წარმოვადგენთ დეტალურ გზამკვლევს, სადაც კარგად იქნება ჩამოყალიბებული, როგორი უნდა იყოს ფორმატი, სიხშირე, კომუნიკაციის თემები. ჩვენ შემოვიფარგლებით მოსწავლის ქცევისა და აკადემიური მოსწრების შესახებ იმფორმაციის მიწოდებით, რომელიც მშობელს გარკვეული ანალიზის საშუალებას მისცემს. ასევე, მშობელს მიეწოდება შვილის ქცევასთან და მოსწრებასთან დაკავშირებით რეკომენდაციები, რომლის ნაწილი შესასრულებელი იქნება სახლის პირობებში, ნაწილი კი - სასკოლო აქტივობებში", - განმარტა თამარ სანიკიძემ.
ეროვნული სასწავლო გეგმის თანახმად, დამრიგებლის მოვალეობებს შორის არის მშობლის რეგულარული ინფორმირება მოსწავლის მიღწევების შესახებ არანაკლებ თვეში ერთხელ, კომუნიკაციის ნებისმიერი ფორმით, პირადი შეხვედრისას, ელექტრონული ფოსტის საშუალებით, მოკლე ტექსტური შეტყობინებით და სხვ.
მინისტრის განმარტებით, ვალდებულების შეუსრულებლობის შემთხვევაში სკოლის ადმინისტრაცია დამრიგებელს პასუხს მოსთხოვს.
გარდა ამისა, 2015 წლის იანვრიდან უწყება ზოგადი განათლების ხელშეწყობის მიზნით მშობელთა განათლების პროგრამის განხორციელებას იწყებს. აღნიშნული პროგრამა გულისხმობს მშობელთა ინფორმირებას ისეთ თემებზე, როგორებიც არის სახლში სწავლისთვის საჭირო უნარჩვევების გამომუშავება, ჯანსაღი ცხოვრების წესის ხელშეწყობა, მოზარდის ჰიგიენური ნორმების დაცვა, ბავშვის საჭიროებების გამოვლენა და ა.შ.
ასეე, მინისტრის განცხადებით, 2015 წლის იანვრიდან ამოქმედდება ინკლუზიური განათლების მიმართულებით სპეციალური საგანმანათლებლო საჭიროების მქონე მოსწავლეთა მშობლების საგანმანათლებლო პროგრამები, მოხდება მშობელთა გადამზადება და მათი სასკოლო ცხოვრებაში ჩართულობის უზრუნველყოფა.
როგორც თამარ სანიკიძემ აღნიშნა, მშობელთა განათლების პროგრამაში ჩართვა ნებაყოფლობითი იქნება, თუმცა სამინისტროს მიზანია, პროგრამაში ყველა მშობელი ჩაერთოს.
განათლების მინისტრის თქმით, განათლების სამინისტროსა და სხვადასხვა ორგანიზაციების მიერ შემუშავდება საგანმანათლებლო რესურსები, დეტალური გზამკვლევნი და რეკომენდაციები, რომლებიც სკოლების ადმინისტრაციას მიეწოდება.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ისრაელმა ირანზე მასშტაბური დარტყმები განახორციელა: განადგურებულია ბირთვულ იარაღი, დაიღუპნენ სამხედრო მეთაურები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
