მონასტრის ტერიტორიაზე მყოფი მოქალაქეების დარიალის ხეობიდან გამოყვანა უახლოეს საათებში დაიწყება
დარაილის ხეობაში მდებარე მამათა მონასტრის ტერიტორიიდან მოქალაქეების გამოყვანა უახლოეს საათებში დაიწყება.
როგორც "ინტერპრესნიუსს" ყაზბეგის გამგებელმა, გივი ქირიკაშვილმა განუცხადა, მათ ვერტმფრენით სოფელ გველეთში გადაიყვანენ, რის შემდეგაც ავტომანქანებით სტეფანწმინდაში ჩაიყვანენ.
გამგებლის ინფორმაციით, ამ დროისათვის ცნობილი არ არის, რამდენი ადამიანია მონასტრის ტერიტორიაზე. მონასტერს ლარსის საბაჟოს თანამშრომლებმა და იმ პირებმაც შეაფარეს თავი, რომელთაც საზღვარი გადმოკვეთეს.
დარიალის ხეობაში მეწყერი წუხელ ჩამოწვა. დატბორილია ყაზბეგი-ლარსის საბაჟო. ხეობაში ავტოტრანსპორტის მოძრაობა აკრძალულია.
ამ დროისთვის ვრცელდება ინფორმაცია ორი დაკარგულის შესახებ, თუმცა, წუხელ ვრცელდებოდა ინფორმაცია, რომ ჰესზე მომუშავე ოთხ მუშასთან დაკავშირება ვერ ხერხდებოდა.
დარიალის ხეობაში მეწყერი მიმდინარე წლის 17 მაისსაც ჩამოწვა. მაშინ სტიქიას 5 ადამიანის სიცოცხლე ემსხვერპლა.
"ინტერპრესნიუსი"
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
