9
ივნისიდღის ზოგადი ასტროლოგიური პროგნოზი
მსახიობები, სპორტსმენები და სხვა სფეროს წარმომადგენლები ბოლო რამდენიმე კვირაა, ერთმანეთს ცივი წყლის გადასხმაში ეჯიბრებიან. შეჯიბრის არსი მდგომარეობს შემდეგში: ის, ვინც თავზე ცივ წყალს გადაისხამს, თავის სამ მეგობარს იწვევს მსგავსი ქმედების გასაკეთებლად, თუ ისინი უარს იტყვიან, მაშინ ALS-ს ფონდში 100 დოლარი უნდა ჩარიცხონ. რამდენიმე საათის წინ მსგავსი ვიდეო მარკ ცუკერბერგმაც გამოაქვეყნა და თავზე ცივი წყალი გადაისხა. ამ შეჯიბრში მან კოლეგა შერილ სანდბერგი, Netflix-ის მთავარი აღმასრულებელი დირექტორი რიდ ჰეისტინგსი და ბილ გეითსი გამოიწვია.
ფლეშმობს უკვე შეუერთდა "პალიტრამედიაც". გადაცემა "ინტერნეტპალიტრის" წამყვანმა, თამთა ასათიანმა წყალი პირდაპირ ეთერში გადაისხა. თამთა ასათიანმა ფლეშმობში მონაწილეობისთვის ასევე "პალიტრა TV"-ს წამყვანები - მერაბ მეტრეველი, პროვოკატორი და მარიკა დარჩია გამოიწვია.
რაც შეეხება "პალიტრის" მარკეტინგის დირექტორს, თამთა ასლანიშვილს, მან ფლეშმობში მონაწილეობის მორიგ ადრესატებად დაასახელა: ირაკლი ქაშიბაძე - ეკონომიკის სამინისტროდან, ვაჟა თავბერიძე - "პალიტრამედიადან" და ირაკლი ღარიბაშვილი - საქართველოს პრემიერ მინისტრი. თამაშის თანახმად, მათ ან გამოწვევას უნდა უპახუსონ, ან თანხა საქველმოქმედო საიტზე გადარიცხონ.
