მნიშვნელოვანი ინფორმაცია
19
მარტიდღის ზოგადი ასტროლოგიური პროგნოზი
ოთხშაბათი, მთვარის მეოცე დღე დაიწყება 01:03-ზე, მთვარე მორიელშია
დღეს დაწყებული ნებისმიერი საქმე წარმატებას მოგიტანთ. კარგი დღეა მიზანდასახული და მიზანსწრაფული ადამიანებისთვის, ორატორთა და ლიდერთათვის. გარშემო მყოფებთან საქმეების გარჩევას არ გირჩევთ. კარგი დღეა სამსახურის, საქმიანობის შესაცვლელად. უმჯობესია, შინ დარჩეთ, სულიერ განათლებს მიხედოთ, წმინდა ტექსტები იკითხოთ. მოერიდეთ ფიზიკურ გადაღლას. ქორწინება და ნიშნობა სხვა დღისთვის გადადეთ. მოერიდეთ ალკოჰოლისა და სიგარეტის მიღებას. არ გადატვირთოთ კუჭი. ნუ მიირთმევთ ხორციან კერძებს. მატულობს ვენერიული დაავადებების რისკი. მოსალოდნელია ტრავმები, ქირურგიული ჩარევის ალბათობა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"კახა თარგამაძე დღევანდელ ქართულ რეალობაში ისევე გამოიყურება, როგორც დმანისელი ზეზვა თანამედროვე მეგაპოლისში"
09:56 / 19-08-2014
მმართველი კოალიციის წევრი, რესპუბლიკური პარტიის ერთ-ერთი ლიდერი დავით ზურაბიშვილი "ფეისბუქის" პირად გვერდზე ყოფილი შს მინისტრის, კახა თარგამაძისთვის მოაქალაქეობაზე უარის თქმის თემას ეხმაურება.
"კახა თარგამაძის მოქალაქეობისა გამო ატეხილ ამბავსა ზედა მინდა მოგახსენოთ ცოტა ვრცლად და, ვიმედოვნებ, არა მოსაწყენად.
სააკაშვილის ხელისუფლება ჩემთვის იყო პრინციპულად მიუღებელი, როგორც ადამიანის ღირსების შემლახავი და ძალადობაზე დაფუძნებული ავტორიტარული რეჟიმი.
მაგრამ როგორი მიუღებელიც არ უნდა ყოფილიყო ის რეჟიმი, ფაქტია, რომ მისი ცხრაწლიანი მმართველობის დროს ქვეყანაში ბევრი რამ შეიცვალა. კერძოდ, პოლიტიკოსების და საზოგადოებრივად აქტიური პერსონების მიმართ დღეს ცოტა განსხვავებული დამოკიდებულებაა, განსხვავებული სტანდარტებია, ვიდრე ეს იყო ათი წლის წინ.
ჩემის ღრმა რწმენით, ეს ცვლილებები უფრო დრომ მოიტანა, ვიდრე სააკაშვილის მმართველობამ, ნაცმოძრაობის მომხრეები ალბათ (ალბათ კი არა დანამდვილებით) პირიქით ფიქრობენ, მაგრამ კონკრეტულად ამ სტატუსისთვის ამას არა აქვს არსებითი მნიშვნელობა.
არსებითი მნიშვნელობა კი აქვს იმას, რომ კახა თარგამაძე თავისი შეხედულებებით, ღირებულებათა სისტემითა და დამოკიდებულებებით არის მთლიანად იმ პერიოდში ჩარჩენილი, რომელიც ჩვენ, მთელმა ქვეყანამ უკვე ათი წელია გავიარეთ. მისი ინტერვიუები, გამოხმაურებები და რეპლიკებიც ამას ცხადყოფს.
ეს არ ნიშნავს, რომ ის ბრუტალურად ბოროტია ან რაღაც ისეთი საშინელებები აქვს ნაკეთები, რომლის მსგავსიც არ გვსმენია. აქ მისი პიროვნების ავ-კარგზეც არაა ლაპარაკი და შეიძლება სხვას უარესი მინუსებიც გამოვუჩხრიკოთ. უბრალოდ თარგამაძის ტიპაჟი დღევანდელ ქართულ რეალობაში ისევე გამოიყურება, როგორც, ვთქვათ, შეიძლება გამოიყურებოდეს დმანისელი ზეზვა თანამედროვე მეგაპოლისში. ის მთლიანად ამოვარდნილია ეპოქის კონტექსტიდან, მისი ლექსიკა მთლიანად გაჟღენთილია ოთხმოცდაათიანების მიწურულის ნოსტალგიით და "ეჰ-დროზე-უნდა-მოგვეგრიხა-ამ-სოროსელებისთვის-კისერი" დისკურსით. ერთადერთი აზრი, რაც მისი მოსმენისას მიჩნდება, არის ის, რომ "ეს ისევ იქაა".
და ამ სიტუაციაში კახა თარგამაძისთვის საქართველოს მოქალაქეობის მინიჭება (არა ნატურალიზაციის წესით, არამედ ორმაგი მოქალაქეობის, დაშვებით, რაც ამ პიროვნების დამსახურებასა და აქტის სახელმწიფოებრივ მნიშვნელობას გაუსვამდა ხაზს), იქნებოდა, არც მეტი არც ნაკლები, პირდაპირი გზავნილი საზოგადოებისთვის, რომ ჩვენთვის ასეთი პერსონები, ასეთი ღირებულებებისა და შეხედულებების მატარებელი ფიგურები მნიშვნელოვანია და ანგარიშგასაწევი. და რა ქვეყანა შეიძლება აშენდეს ასეთი "ანგარიშგასაწევი" პერსონების ხელით, ეს უკვე ვიცით. ნანახი გვაქვს.
ამიტომ საქართველოს პრეზიდენტის გადაწყვეტილება კახა თარგამაძისთვის მოქალაქეობის მინიჭებაზე უარის თქმისა, არის არა უბრალოდ სწორი, არამედ სახელმწიფოებრივად და პოლიტიკურად ერთადერთი სწორი გადაწყვეტილება. იმ ქვეყნის პრეზიდენტის გადაწყვეტილება, რომელსაც ევროკავშირთან ასოცირების ხელშეკრულებაზე აქვს ხელი მოწერილი და რომელსაც ევროატლანტიკურ სივრცეში სრულფასოვანი ინტეგრაციის პრეტენზია გააჩნია.
ასეა ეს! @ დ. თუთაშხია კი არა და ზ", - წერს ზურაბიშვილი.
იხილეთ ასევე: გიორგი მარგველაშვილმა კახა თარგამაძეს საქართველოს მოქალაქეობაზე უარი უთხრა
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
საქართველოს საკითხი კვლავ საერთაშორისო ყურადღების ცენტრშია - რას აცხადებენ დეპუტატები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
