მნიშვნელოვანი ინფორმაცია
9
ივნისიდღის ზოგადი ასტროლოგიური პროგნოზი
ორშაბათი, მთვარის მეთოთხმეტე დღე დაიწყება 21:02-ზე, მთვარე მშვილდოსანში იქნება 18:53-დან, უკურსო მთვარის პერიოდი იქნება 16:06-დან 18:55-მდე – მიიღეთ აქტიური და გადამწყვეტი მოქმედება. დაიწყე მნიშვნელოვანი და სერიოზული საქმეები. მომავალ წარმატებაში ეჭვი არ შეგეპაროთ. ფრთხილად და კარგად დაფიქრდი თქვენს ნაბიჯებზე. კომუნიკაცია სხვადასხვა ადამიანებთან. გააძლიერეთ ოჯახური კავშირები და დაამყარეთ ურთიერთობა საყვარელ ადამიანებთან, განსაკუთრებით უფროს თაობასთან. თუ შესაძლებელია, გადადეთ ყველაფერი, დაისვენეთ და ისიამოვნეთ ცხოვრებით. ფიზიკური აქტივობა სასარგებლოა. გაუფრთხილდით მხედველობას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ჯონ მაკკეინი - საქართველოს მთავრობას აღმოსავლეთ უკრაინაში პუტინის მოქმედებები არ დაუგმია, ეს ჩემთვის მიუღებელია
02:21 / 19-08-2014
"მე მაღელვებს ის, რომ საქართველო რუსეთს არ დაუახლოვდეს", - ამის შესახებ "რესპუბლიკელმა" სენატორმა, ჯონ მაკკეინმა რადიო "ამერიკის ხმასთან" საუბრისას განაცხადა.
ჯონ მაკკეინი რუსეთის მიერ უკრაინაში ჰუმანიტარული ტვირთის გაგზავნის თემასაც შეეხო და აღნიშნა, რომ ეს ფაქტი ამერიკის ლიდერშიპის მარცხია, რისთვისაც ძალიან მაღალი საზღაურის გადახდა კიდევ დიდ ხანს მოუწევთ.
"ჩვენ ვლადიმირ პუტინს ყირიმის მითვისების საშუალება რეაგირების გარეშე მივეცით. სანქციები, რომლებიც დავუწესეთ ძალიან სუსტია. სიტუაციას პუტინის გადმოსახედიდან რომ შევხედოთ, ის ძალიან წარმატებულია. უკრაინის საზღვართან ჯარების მობილიზაციას აგრძელებს. მე მჯერა, რომ ის ყველაფერს გააკეთებს იმისთვის, რომ აღმოსავლეთ უკრაინაში დაძაბულობა შეინარჩუნოს. მას არ უნდა უკრაინამ წარმატებას მიაღწიოს", - განაცხადა სენატორმა მაკკეინმა "ამერიკის ხმასთან" საუბრისას.
მისივე თქმით, პუტინის შესაჩერებლად საჭიროა დაწესდეს რეალური სანქციები, უნდა შემუშავდეს გეგმა, რომელიც მომდევნო ორი წლის შემდეგ უკრაინასა და ევროპაში ამერიკის ენერგო-რესურსების ექსპორტს განახორციელებს და ევროპას რუსეთის ენერგიაზე დამოკიდებულებას შეამცირებს.
"ასევე უნდა მოვახდინოთ ვლადიმირ პუტინის გადაფასება და ის მივიღოთ იმად, რაც ის სინამდვილეში არის - სუკის პოლკოვნიკი, რომელსაც რუსეთის იმპერიის აღდგენა სურს. ამ გზით ჩვენ მას გავაგებინებთ, რომ მის მოქმედებებს საფასური ახლავს. ის გამოუცდელობა (უგუნურობა), რომელსაც ეს ადმინისტრაცია იჩენს მის მიმართ, ჩვენთვის ძალიან ძვირადღირებული გამოდგა. უთხარი ვლადიმირს, რომ მოგვიანებით მეტი მოქნილობის საშუალება მექნება... "გადატვირთვის" ღილაკზე გამუდმებით ხელის დაჭერა... პუტინი უნდა აღვიქვათ ისე, როგორც ის ამას იმსახურებს. მე ძალიან ვამაყობ იმით, რომ პუტინმა ჩემს წინააღმდეგ სანქციები დააწესა", - აღნიშნა მაკკეინმა.
"რესპუბლიკელი" სენატორი საქართველოში მიმდინარე მოვლენებსაც შეეხო და აღნიშნა, რომ ძალიან იმედგაცრუებულია.
"ძალიან გამიცრუვდა იმედები. მე ახალმა მთავრობამ დამარწმუნა იმაში, რომ წარსულს გადააბიჯებდა. საქართველომ ძალიან გრძელი გზა გაიარა, ეკონომიკურად, დემოკრატიულად, ჩაატარა თავისუფალი და სამართლიანი არჩევნები და ახლა ეს მოქმედებები იმედგამაცრუებელია. მათ გავლენა ექნება ამერიკის ურთიერთობაზე საქართველოსთან. მე მაღელვებს ის, რომ საქართველო რუსეთს არ დაუახლოვდეს. მთავრობას აღმოსავლეთ უკრაინაში ვლადიმირ პუტინის მოქმედებები არ დაუგმია. ეს ჩემთვის წარმოუდგენელია, ეს მიუღებელია", - დასძინა მაკკეინმა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
უკონტროლო ვითარება ლოს-ანჯელესის ქუჩებში - პოლიციასა და მომიტინგეებს შორის შეტაკებები გრძელდება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
