სახის მასაჟი ეთერზეთებით გაჯერებული ყინულით - ასწორებს ღრმა ნაოჭებსაც კი

ჯერ კიდევ უძველეს დროში ლამაზმანები, ცხელი, ორთქლის აბაზანის შემდეგ მიმართავდნენ არაჩვეულებრივ, გამაახალგაზრდავებელ მეთოდს – სახის მასაჟს ყინულით, ან თოვლით.

ყინულის ნატეხებით მასაჟის გაკეთება შეიძლება კვირაში 2-3-ჯერ აბაზანის ან სახის დაორთქლის შემდეგ. პროცედურა არ არის რთული:

1. დაბანის წინ მოამზადეთ ჭურჭელი ცხელი წყლით, რბილი პირსახოცი და ყინულის კუბები.

2. დაასველეთ პირსახოცი წყალში, რამდენიმე წამში ამოიღეთ, გაწურეთ და დაიფინეთ მთელ სახეზე.

3. როცა პირსახოცი გაგრილდება, მოიცილეთ სახიდან, აიღეთ ყინულის კუბები და ნაზად დაიმასაჟეთ ლოყები, შუბლი და ყელი.

4. ყინული თავისუფლად უნდა დასრიალებდეს კანზე. ერთ ჯერზე შეგიძლიათ გამოიყენოთ ყინულის საშუალო ზომის 2-3 ცალი კუბი.

5. მასაჟის შემდეგ გაიმეორეთ ცხელი კომპრესი პირსახოცით, შემდეგ დაიბანეთ სახე გრილი წყლით და წაისვით მკვებავი.

6. იმისათვის, რომ ყინულის მასაჟს მეტი ეფექტი ჰქონდეს, წყალში გაყინვამდე დაუმტეთ რომელიმე ეთერზეთი.

აქვე გთავაზობთ კოსმეტიკური ყინულის მომზადების რამდენიმე რეცეპტს:

ერთ ჭიქა მინარალურ წყალში ჩაუმატეთ 4 წვეთი სანდალას, 4 წვეთი ფიჭვის და 5 წვეთი პიტნის ზეთი. ეს ყინული არაჩვეულებრივი მატონიზირებელი საშუალებაა, განსაკუთრებით მოუხდება მშრალ და მოშვებულ კანს.

ერთ ჭიქა წყალში ჩაუმატეთ 5 წვეთი ვარდის ზეთი, 2 წვეთი გერანის ზეთი და 2 წვეთი პიტნის ზეთი.

ვარდი ყინულს არაჩვეულებრივ არომატს შესძენს, გერანი დაამშვიდებს კანს, ხოლო პიტნა – გამოაცოცხლებს. ასე მომზადებული ყინული მოუხდება ასევე მკერდს.

თუ არ გაქვთ ეთერზეთები, შეგიძლიათ წყალში ჩაყაროთ ციტრუსის კანები. გააკეთეთ კოსმეტიკური ყინული ერთი ფორთოხლისა და მანდარინის ქერქისგან. დაასხით კანებს 2 ჭიქა ადუღებული წყალი და გააჩერეთ მთელი ღამე დახურულ ქილაში. დილით გადაწურეთ, ჩაასხით სითხე ყინულის ფორმებში და გაყინეთ. ასე მომზადებული ყინულით მასაჟი კანს გამოაცოცხლებს, გაამკვრივებს და რა თქმა უნდა, გაასწორებს ნაოჭებს.