მნიშვნელოვანი ინფორმაცია
30
მარტიდღის ზოგადი ასტროლოგიური პროგნოზი
კვირა, მთვარის მეორე დღე დაიწყება 07:11-ზე, მთვარე ვერძშია
კარგი დღეა ნებისმიერი საქმის დასაწყებად; ფინანსური საკითხების მოსაგვარებლად; ვაჭრობისთვის. არ იკამათოთ, გადადეთ სასამართლო საქმეები. კარგ დღეა შემოქმედებითი და სამეცნიერო საქმეებისთვის. სწავლისთვის და გამოცდების ჩასაბარებლად. უფროსთან შეხვედრა სიკეთეს არ მოგიტანთ. კარგი დღეა საქმიანობის, სამსახურის შესაცვლელად. თამამად გაემგზავრეთ სამოგზაუროდ, მივლინებაში. სხვა დღისთვის გადადეთ ნიშნობა და ქორწინება. შეამცირეთ ალკოჰოლისა და სასმლის დოზა. მოერიდეთ ყოველგვარ ოპერაციასა და პროცედურას: თვალებზე, პირის ღრუში, ყურებზე; აგრეთვე დიდხანს კითხვასა და ტელევიზორის ყურებას.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ეპიდემიურ აფეთქებასთან გვაქვს საქმე" - ხაშურში ყირიმ-კონგოს ჰემორაგიული ცხელების შედეგად 3 ადამიანი გარდაიცვალა
01:17 / 13-08-2014
ხაშურის რაიონში, ყირიმ-კონგოს ჰემორაგიული ცხელების 12 შემთხვევა ლაბორატორიულად დადასტურდა, ინფექციის გამოვლენიდან რამდენიმე დღეში კი, სამი პაციენტი გარდაიცვალა.
ინფიცირებულთა შორის, ძირითადად, ის ადამიანები ჭარბობენ, ვისაც მსხვილფეხა რქოსან პირუტყვთან აქტიური შეხება აქვთ.
შექმნილ მდგომარეობას, ხაშურის საზოგადოებრივი ჯანდაცვის ცენტრში, ეპიდემიურ აფეთქებად აფასებენ.
"იმდენად რთულია ხაშურში მდგომარეობა, რომ შეიძლება ითქვას, ეპიდემიურ აფეთქებასთან გვაქვს საქმე. ბოლო პერიოდში, 12 შემთხვევა დადასტურდა ლაბორატორიულად, ჩემი ინფორმაციით, სულ საქართველოში 15 ფაქტია დაფიქსირებული, როცა, აქედან, ამხელა პროცენტული მაჩვენებელი ხაშურზე მოდის, ბუნებრივია შეშფოთების საფუძველი ნამდვილად არსებობს. გარდა ამისა, სამი შემთხვევა ლეტალურად დასრულდა. დაავადებათა კონტროლის ეროვნული ცენტრი ყველაფერს აკეთებს, მაგრამ მხოლოდ ეს ვერ იქნება საკმარისი, ზომების მიღება უნდა მოხდეს კომპლექსურად, სხვა უწყებებთან ერთად. ადრე, მსგავსი ინფექციების შემთხვევაში, იწამლებოდა კერები, პირუტყვის სადგომების დამუშავება ხდებოდა, ახლა კი, ეს ღონისძიებები აღარ ტარდება", - განაცხადა ხაშურის საზოგადოებრივი ჯანდაცვის ცენტრის დირექტორმა დავით ჩიქოვანმა.
გასული საუკუნის 40-იან წლებში, ყირიმში აღმოჩენილი ჰემორაგიული ცხელება ვირუსული ინფექციაა და ადამიანებზე ტკიპის ნაკბენით ვრცელდება. ხაშურის რაიონში ჩასულმა ენტომოლოგებმა დაავადების მატარებელი ტკიპები რამდენიმე სოფელში აღმოაჩინეს.
ხაშურში დაფიქსირებული მძიმე სტატისტიკის ფონზე, როგორც ექიმი ქეთევან ჩიქოვანი აცხადებს, საავადმყოფოში პაციენტთა მიმართვიანობამ მკვეთრად იმატა.
ტკიპის კბენის შედეგად დაინფიცირებული ბოლო გარდაცვლილი, სოფელ ტეზერის მაცხოვრებელი, მაყვალა შაინიძე, 12 აგვისტოს დაკრძალეს. აღნიშნული ქალბატონის გარდა, იგივე დიაგნოზით, ხაშურის რაიონში, ორი ქალბატონი 1 და 10 მაისს გარდაიცვალა.
მაღალი ტემპერატურა, თავბრუსხვევა, გაციების მსგავსი სიმპტომები, სისხლჩაქცევები, - ეს ის კლინიკური ნიშნებია, რაც ყირიმ-კონგოს ცხელებას ახლავს. სოფლებიდან ვაყა, ნარვანი, ტეზერი, ანტივირუსული თერაპიის კურსი, ინფექციურ სნეულებათა ეროვნულ ცენტრში, ამ დრომდე არაერთ პაციენტს უტარდება. ინფიცირებულთა შორის, ყველაზე პატარა პაციენტი 4 წლის ლიზი ლომსაძეა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
