მნიშვნელოვანი ინფორმაცია
15
ივლისიდღის ზოგადი ასტროლოგიური პროგნოზი
ოთხშაბათი, მთვარის ოცდამეორე დღე დაიწყება 23:52-ზე, მთვარე ვერძში გადავა 08:31-ზე – გაზარდეთ თქვენი ცოდნის დონე. შეისწავლეთ ახალი. იმუშავეთ მნიშვნელოვან დოკუმენტებთან. ხელი მოაწერე კონტრაქტებს. დაალაგეთ არქივი. დაუთმეთ დღე განათლებას და სწავლას. მოაგვარეთ მარტივი საკითხები და არ მიიღოთ სერიოზული გადაწყვეტილებები. არ არის რეკომენდებული: ახალი და სერიოზული საქმეების დაწყება. ბევრი მუშაობა. ვაჭრობა. სიზარმაცე. იყავით ყურადღებიანი ბარძაყების, ქვედა ხერხემლის მიმართ. არ არის რეკომენდებული მარხვა ან შიმშილი. კარგია ტანსაცმლის გაუთოება და შენახვა; ზამთრისთვის ხილის გაყინვა და კონსერვაცია.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
სანდრო გირგვლიანის ოჯახი თაკო სალაყაიას პასუხისგებაში მიცემას ითხოვს
05:46 / 12-08-2014
მელნიკოვის ჩვენების შემდეგ, თაკო სალაყაია და თათია მაისურაძე სასწრაფოდ პასუხისგებაში უნდა მიეცნენ, - ამის შესახებ "ინტერპრესნიუსს" სანდრო გირგვლიანის ბიძამ , გოგი ენუქიძემ განუცხადა.
მისი თქმით, მელნიკოვის ჩვენებით გამოიკვეთა, რომ სალაყაიამ და მაისურაძემ მიუთითეს შარდენის ცნობილი სუფრის წევრებს, რომ სანდრო მათ აწუხებდათ.
"მელნიკოვის ჩვენებიდან გამოვლინდა, რომ პასუხისგებაში სასწრაფოდ მისაცემი არიან თაკო სალაყაია და თათია მაისურაძე. მათ მიუთითეს, რომ აწუხებდათ სანდრო გირგვლიანი და ამის შედეგად მათ მიიჩნიეს საჭიროდ დათა ახალაიას ჩარევა, რომ მას გამოეძახებინა სპეცრაზმისთვის", - განაცხადა გოგი ენუქუძემ.
მისი თქმით, სანდროს მკვლელობის შემდეგ, თათია მაისურაძე გირგვლიანის ოჯახთან მიდიოდა და თანაუგრძნობდა, თუმცა არც ერთხელ არ უთქვამს, ის, რაც ჩვენებაში ოლეგ მელნიკოვმა მიუთითა.
სანდრო გირგვლიანის ოჯახის აზრით, მელნიკოვის ჩვენებით კიდევ ერთხელ დამტკიცდა, რომ ვანო მერაბიშვილმა და დათა ახალაიამ გააყალბეს საქმე.
"ვის რამდენი წვლილი მიუძღვის საქმის გაყალბებაში, ამას პროკურატურა გამოავლენს. მერაბიშვილიც და დათა ახალაიას უმკაცრესად უნდა დაისაჯონ. დათა ახალაია იყო ორგანიზატორი იმის, რაც მოხდა ოქროყანაში", - განაცხადა გოგი ენუქიძემ.
პატიმრობაში მყოფმა ოლეგ მელნიკოვმა გირგვლიანის საქმეზე სასამართლოს ჩვენება გუშინ მისცა და განაცხადა, რომ დათა ახალაიამ გირგვლიანის მკვლელობის შემდეგ, მას დაწერილ ჩვენებაზე მოაწერინა ხელი. მელნიკოვის თქმით, გირგვლიანის მკვლელობის შემდეგ, საზოგადოებაში მღელვარების ჩასახშობად, ახალაიამ ზურაბ ადეიშვილისა და მიხეილ სააკაშვილის თანხმობის შემდეგ, განახორციელა გეგმა, რომლითაც შსს-ს ოთხი თანამშრომელი დააკავეს. მისი თქმით, წინასწარ იყო დაგეგმილი, რომ ამ პირებს მალევე გაათავისუფლებდნენ. მელნიკოვმა საქმის ყველა ეპიზოდში ბრალი აღიარა და აღნიშნა, რომ ყოფილი ხელისუფლების პერიოდში, დათა ახალაიას თხოვნით, ცრუ ჩვენება აქვს მიცემული, ახლა კი, სიმართლეს ამბობს.
მელნიკოვის დაკითხვა საქალაქო სასამართლოში 18 აგვისტოს განახლდება.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
მხოლოდ 5 თვეში, თბილისში მილიარდ 200 მილიონი დოლარის ბინები გაიყიდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
