მნიშვნელოვანი ინფორმაცია
29
მაისიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
ასევე დაგაინტერესებთ
მძიმე სენით დაავადებული ჟურნალისტი, რომელიც გადაუდებელ დახმარებას ითხოვს
05:54 / 12-08-2014
ჟურნალისტ გიორგი მარჯანიძეს თავში ავთვისებიანი სიმსივნე აღმოაჩნდა. სასწრაფოდ ესაჭიროება ოპერაცია თურქეთში, რადგანაც აქ გარანტიას ვერ აძლევენ. საქართველოში ჩატარებულმა ოპერაციამ შეიძლება შედეგი არ გამოიღოს და ის უსინათლო დატოვოს.
გიორგი მარჯანიძე:
- თავიდან ყველაფერი თავის ტკივილებით დამეწყო, კატასტროფის ცენტრის სასწრაფოს კლინიკაში რომ გადავყავდი, ეგონათ, რომ ეს იყო ეპილეფსია, მაგრამ ეპილეფსიის ცენტრმა ეს გამორიცხა. შემდეგ სხვა კლინიკაში გადამამისამართეს, სადაც თქვეს, რომ ეს დაუდგენელი სინდრომი გახლდათ. წამლებსაც ვერ მინიშნავდნენ. მერე ერთმა ექიმმა ჰორმონი დამინიშნა, რომელმაც გამასია და ორგანიზმში სხვა გართულებები გამოიწვია. ჰორმონს თავი ჩემით დავანებე. იმაზე უარესი თავის ტკივილები, კრუნჩხვითი შეტევები დამეწყო, გონებას ვკარგავ, ვეცემი, 23 ივლისს რომ გავითიშე, თითქმის ერთი ღამე უგონოდ ვიყავი. შემდეგ მაღალტექნოლოგიურ ცენტრში მოვხვდი, სადაც გამოვიდა ექიმი და ჩემს მშობლებს უთხრა, რომ კიბო მქონდა... მას საოპერაციოდ უნდა შევეყვანე, მაგრამ გარანტიას იქ ვერავინ იძლეოდა, რომ ოპერაცია წარმატებით დამთავრდებოდა და მხედველობას არ დავკარგავდი. ფერთა ბალანსი უკვე დარღვეული მაქვს, ყველაფერს ნაცრისფრად ვხედავ. როგორც ჩანს, წარმოქნილი სიმსივნე აწვება იმ უბანს, მხედველობას რომ განაგებს...
ორ კვირაში 8 მაგნიტორეზონანსული ტომოგრაფია მაქვს გადაღებული, - რომელ ექიმთანაც მივედი, ყველა ახალს მთხოვს. ამ ყველაფრის გამო ასე მცირე დროში ასე დავსხივდი. როგორც ჩანს, აქ ამ სურათს კარგად ვერ კითხულობენ, ან არ ვიცი, რა ხდება.
- რა თანხაა საჭირო იმისთვის, რომ ეს პრობლემა საზღვარგარეთ მოგვარდეს?
- მარტო ოპერაციისთვის 10.000 ევრო მჭირდება. დანარჩენი თანხა მეგობრებმა შემიკრიბეს, რაც შემდგომ რეაბილიტაციისთვის მჭირდება. იმედი მაქვს, საქართველოს ხელისუფლებაც რაღაცით დამეხმარება...
გიორგი სოციალურად დაუცველი ოჯახიდან არის, მისი ფინანსური მდგომარეობა 2005 წლიდან უკეთისობისკენ არც შეცვლილა, თუმცა სოციალური დახმარება ერთი მაცივრის გამო მოუხსნეს...
- 21 წელიწადია ქირით ვცხოვრობთ და ხშირად გვიწევს ბინის გამოცვლა იმის გამო, რომ მეპატრონე თანხას უმატებს. ბინას რომ შეიცვლი, მერე იმ ადგილს სააგენტოში უნდა დაფიქსირება, რომ ახალი მისამართი მოგანიჭონ.
რა ნივთებიც 2005 წლიდან მქონდა სახლში, იგივე მაქვს ახლაც, მაგრამ აღწერის შემდეგ, მაღალი ქულა მივიღეთ. ეს ერთმა მაცივარმა განაპირობა და დეკლარაციის ჩვენებით ის გახდა მიზეზი იმისა, რომ ჩემს ოჯახს 151 ლარი შეუწყდა. მხოლოდ 10-თეთრიანი სამგზავრო ბარათი დამიტოვეს.
- რა მიგაჩნია ამ დაავადების გამომწვევ მიზეზად?
- საერთოდ, როგორც ჟურნალისტი, აქტიურად ვიღებდი და ვაშუქებდი სხვადასხვა სააგენტოების საშუალებით ამა თუ იმ აქციას. 26 მაისს კი დარბევისას ერთ-ერთ ქალბატონს გადავეფარე და თავში რამდენჯერმე "დუბინკა" მომხვდა. შესაძლებელია ეს გახდა ჩემი დაავადების მიზეზიც. ამის შესახებ ჯანმრთელობის სამინისტროში რომ ვუთხარი, შენნაირი დაზარალებული რამდენია, იციო?
როგორც გიორგი მარჯანიძის მეგობრები ამბობენ, გიორგი ჟურნალისტობის მანძილზე უამრავ გაჭირვებულ და დაჩაგრულ ადამიანს გაუწოდა დახმარების ხელი, ახლა კი მას სჭირდება საზოგადოების თანადგომა. მისი პროფესიული თავდადება, გამოცდილება ნამდვილად სჭირდება ქვეყანას. ჟურნალისტის მეგობრები მოგვიწოდებენ, დავდგეთ ერთად, გავერთიანდეთ და გიორგი მარჯანიძეს სიცოცხლე ვაჩუქოთ!
პ.ს. ვისაც მისი დახმარების სურვილი გექნებათ დარეკეთ - 0901700173 - "მაგთიდან" და "ბილაინიდან". საქართველოს ბანკი. მიმღები გიორგი მარჯანიძე, ანგარიშის ნომერი: GE44BG0000000807108500 ლარის, ევროს და დოლარის ანგარიში.
ლალი ფაცია
სპეციალურად "ამბები.გე"-სთვის
Normal 0 false false false MicrosoftInternetExplorer4aRmoaCnda 12 agvistos 8sT. gaimarTeba wyneTis kopalaSi Jurnalist giorgi marjaniZis dasaxmarebeli aqcia-koncerti "maCuqe sicocxle,~ yvela biznesmens, biznes ledis, sxva da sxva kompaniebs vTxovT monawileobis miRebas, aqcia–koncerrts gaaSuqeben sxvadasxva media saSualebebi.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ნიკა მელია სასამართლო სხდომაზე გამოცხადებას და გირაოს გადახდას არ აპირებს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
