თბილისში სიმამრმა სიძე მოკლა

თბილისში მამაკაცი მოკლეს. შემთხვევა რამდენიმე საათის წინ, დედაენის ბაღთან მოხდა. გარდაცვლილი პროზექტურაში რამდენიმე წუთის წინ გადაასვენეს.

სამართალდამცველებმა, ბრალდებული მომხდარიდან რამდენიმე წუთში დააკავეს.

შსს-ს ინფორმაციით, დაკავებულმა თბილისში, დედაენის ბაღში მდებარე ერთ-ერთ კაფეში ოჯახური კონფლიქტის ნიადაგზე ურთიერთშელაპარაკებისას, ცეცხლსასროლი იარაღიდან გასროლით მრავლობითი სასიკვდილო ჭრილობა მიაყენა სიძეს, 1963 წელს დაბადებულ მერაბ მ-ს და შემთხვევის ადგილიდან მიიმალა. დაჭრილი ადგილზევე გარდაიცვალა.

გამოძიება განზრახ მკვლელობის და ცეცხლსასროლი იარაღის უკანონო ტარების ფაქტებზე მიმდინარეობს (საქართველოს სსკ-ის 108-ე და 236-ე მუხლებით).

შინაგან საქმეთ სამინისტროს ინფორმაციით, მკვლელობაში ეჭვმიტანილი უკვე დაკავებულია და ის მოკლულის სიმამრია.

ნახეთ ვიდეო