მნიშვნელოვანი ინფორმაცია
1
ივნისიდღის ზოგადი ასტროლოგიური პროგნოზი
კვირა, მთვარის მეექვსე დღე დაიწყება 10:27-ზე, მთვარე ლომშია – მარტოობისა და თავმდაბლობის დღეა. ინტუიცია მძაფრდება. კარგია სუნთქვითი ვარჯიში და არომათერაპია. კარგია ზედა სასუნთქი გზებისა და ბრონქების გაწმენდა. რეკომენდებულია: მოაგვარეთ მატერიალური და ფულადი საკითხები. აკეთეთ საქმე. გამოავლინეთ თქვენი უნარები და ნიჭი. წარმატების მიღწევა ბევრ სფეროში შეიძლება. უმჯობესია თავი შეიკავოთ როგორც გრძელი, ასევე მოკლე მოგზაურობისგან. ეს დღე განკუთვნილია დასვენებისთვის.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
მიხეილ ჯანელიძე - რუსეთის ბაზარზე ქართული პროდუქციის ექსპორტი კვლავაც გაგრძელდება
09:05 / 31-07-2014
საქართველოს ეკონომიკის მინისტრის მოადგილის, მიხეილ ჯანელიძის შეფასებით, რუსეთსა და საქართველოს შორის თავისუფალი ვაჭრობის შეჩერება ჩვენს ეკონომიკას განსაკუთრებულ პრობლემებს არ შეუქმნის და რუსეთის ბაზარზე ქართული პროდუქციის ექსპორტი კვლავაც გაგრძელდება.
ამის შესახებ ჯანელიძემ ეკონომიკის სამინისტროში დღეს გამართულ პრესკონფერენციაზე განაცხადა.
"საქართველოს ხელისუფლებისთვის მნიშვნელოვანია რუსეთთან სავაჭრო და კულტურულ-ჰუმანიტარული ურთიერთობების დარეგულირება. ამ მიმართულებით ჩვენ ბოლო წელიწად-ნახევრის განმავლობაში ინტენსიურად ვიმუშავეთ. ასევე მინდა აღვნიშნო, რომ ჩვენი ევროპული ინტეგრაციის პროცესი, ღრმა და ყოვლისმომცველი ღრმა და ყოვლისმომცველი თავისუფალი ვაჭრობის სივრცე ევროკავშირთან არავის წინააღმდეგ არ არის მიმართული და არ ეწინააღმდეგება ჩვენს სავაჭრო- ეკონომიკურ პარტნიორებთან არსებულ ურთიერთობებს, მათ შორის რუსეთთან. საქართველოს შესაბამისი უწყების წარმომადგენლებს ჰქონდათ შეხვედრა რუსეთის ნხარესთან, სადაც იყოს ასოცირების შეთანხმების თაობაზე საუბარი. მათ საქართველოს მთავრობამ განუმარტა, რომ ღრმა და ყოვლისმოცველი თავისუფალი ვაჭრობა ევროკავშირთან რუსეთისთვის საფრთხეს არ წარმოადგენს. რაც შეეხება რუსეთის მთავრობის დადგენილების პროექტს საქართველოსა და რუსეთს შორის თავისუფალი ვაჭრობის შესახებ შეთანხმების შეჩერების თაობაზე, ეს ინფორმაცია საქართველოს მთავრობამ შეიტყო პრესიდან. არანაირი ოფიციალური შეტყობინება არ მოსულა და არანაირი კონსულტაცია ამ საკითხზე არ ყოფილა", - განაცხადა მიხეილ ჯანელიძემ.
მისივე თქმით, თუ აღნიშნული პროექტი იქნება მიღებული რუსეთის მთავრობის მიერ და შეჩერდება თავისუფალი სავაჭრო რეჟიმი ორ ქვეყანას შორის, რასაც საერთაშორისო სამართლის მიხედვით თავისი პროცედურები აქვს, ეს არ ნიშნავს, რომ ქართული პროდუქციის ექსპორტი აიკრძალება რუსეთში.
"თუმცა, ეს გამოიწვევს საქართველოში წარმოებულ რიგ პროდუქციაზე საბაჟო გადასახადის დაწესებას, რომელიც არ იქნება 20%-ზე მეტი. ეს არის მაქსიმალური ტარიფი, რომელიც შეთანხმებული აქვს რუსეთს ვაჭრობის მსოფლიო ორგანიზაციასთან. ეს ნიშნავს, რომ ქართული პროდუქციის ექსპორტი რუსეთის ბაზარზე კვლავ გაგრძელდება და არ შეუქმნის განსაკუთრებულ პრობლემებს ჩვენი ქვეყნის ეკონომიკას", - განაცხადა მიხეილ ჯანელიძემ.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გიორგი ბაჩიაშვილი - საქართველოს წარმომადგენლებმა, ივანიშვილის დავალებით, მიმართეს ბანდიტურ გზას და მოტაცებით ჩამომიყვანეს საქართველოში
კვირის კითხვადი სტატიები
მნიშვნელოვანი ინფორმაცია
მკითხველის რჩევით
