მნიშვნელოვანი ინფორმაცია
28
ივნისიდღის ზოგადი ასტროლოგიური პროგნოზი
შაბათი, მთვარის მეოთხე დღე დაიწყება 07:58-ზე, მთვარე ლომშია – ნუ აჰყვებით პროვოკაციებს, მოერიდეთ კამათსა და კონფლიქტს. კარგია ახალი ინფორმაციის შეგროვება და დამუშავება. წარმოების ზრდა. დღის ენერგიამ შეიძლება გამოიწვიოს გაურკვევლობა, ადამიანებში იმატებს კომპრომისზე წასვლის უუნარობა. არ არის რეკომენდებული ახალი საქმეების დაწყება. ასევე, არ არის მიზანშეწონილი რომანტიკული პაემანი. საკვები არ უნდა იყოს ცხიმიანი. კარგია ბოსტნეული, სალათები; დამამშვიდებელი ბალახებისგან დამზადებული მცენარეული ჩაი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
თინა ხიდაშელის პასუხი მათ, ვინც ნანუკა ჟორჟოლიანს სიძულვილის შემცველი პოსტებით ეხმაურება
07:16 / 31-07-2014
"ნანუკა ჟორჟოლიანის შოუს" მორიგი სეზონი დასრულდა. გადაცემის შემდგომი რეაქციებით თუ ვიმსჯელებთ, აღნიშნული სეზონის ბოლო გადაცემა, რომელიც ქალაქის ყოფილ მერს, გიგი უგულავას მიეძღვნა, წარმატებული აღმოჩნდა, რადგან სოციალურ ქსელებში მისი განხილვა გადაცემის მსვლელობისთანავე დაიწყეს და მაყურებლის ემოციები ამ დრომდე არ ცხრება...
ცნობილ ადამიანთა შორის, ვინც უკიდურესად მწვავედ შეაფასა გადაცემა, რეზო ამაშუკელი იყო, რომელმაც ნანუკას მისამართით კრიტიკა, "რუსთავი 2"-სა და ნიკა რურუას მისამართით კი უხამსი სიტყვები არ დაიშურა (იხ. სტატია - "ნანუკა, არა გყავს დედუკა?" - გაბრაზებული რეზო ამაშუკელის უხამსი მიმართვა).
გადაცემას ეხმაურება თინა ხიდაშელიც, რომელიც ამბობს, რომ არ ესმის ადამიანების, რომლებიც უყურებენ გადაცემას და შემდეგ სიძულვილის შემცველ კომენტარებს აკეთებენ. "არ მოგწონთ ამ გადაცემის სტილი, ესთეტიკა, წამყვანი, შინაარსი, სტუმრები? - გადართეთ. ნუ უყურებთ, ვინ გაძალებთ", - წერს ხიდაშელი Facebook-ზე.
Facebook/ თინა ხიდაშელი:
"არ მინახავს გუშინდელი ნანუკას შოუ. ისევე როგორც ბევრი სხვა შოუ და გადაცემა, სამწუხაროდ ტელევიზორი ჩემი ყოველდღიური ცხოვრების ნაწილი აღარ არის. მაგრამ იცით ფბ-ზე ხშირად ვიყურები.
დილიდან ვფიქრობ დავწერო თუ არა.
როგორც ჩანს პარლამენტის წევრობამ კორექტივები შეიტანა ჩემს ყოველდღიულობაში. ადრე შესაძლოა არასოდეს რომ არ მეფიქრა დღეს ისეთი ფიქრები მომეძალა, მაგრამ იმის მიუხედავად რა რეაქცია მოყვება ჩემს პოსტს, ზუსტად ვიცი რომ არ დავწერო გული გამისკდება.
რაც დღეს დილით აქ წავიკითხე და გავიგე, მისი უდიდესი ნაწილი მთრგუნავს და მანადგურებს.
ვისაც გინდათ გაგეჯიბრებით გიგისთან ბრძოლაში, მისი პოლიტიკური ნაბიჯების, მერიაში სქემების, უკანონო ტენდერების, უკანონო გადაწყვეტილებების მხილებაში, გამოძიებაში, საკრებულოს სხდომებზე თუ სხვამხრივ საჯაროდ კამათსა და კრიტიკაში.
ვერ და არ მივიღებ არავისგან არც ერთ თითის გამოშვერას ჩემი მისამართით. კიდევ ერთხელ, ვისაც გინდათ იმას გაგეჯიბრებით, თავად გიგის და კოლექტიური გიგის მხილებაში, ნაცებთან ბრძოლაში, და ამ ბრძოლის არგუმენტირებულად, ლოგიკურად, დოკუმენტურად და სამართლებრივად დასაბუთებისთვის შრომაში.
მაგრამ ეს რა უბედურებაა.
არ მოგწონთ ამ გადაცემის სტილი, ესთეტიკა, წამყვანი, შინაარსი, სტუმრები გადართეთ. ნუ უყურებთ. ვინ გაძალებთ.
სტუმრის და თემის მიუხედავად მე არ მომწონს ასეთი გადაცემები, არ ვარ მათი მაყურებელი და არასოდეს მაინტერესებს, მაგრამ ეს ლანძღვა-გინება, ქილიკი, შენ რომ სხვის შვილებს აუბედურებდი ძახილი რა არის ადამიანებო.
არაფერში დამნაშავე ბავშვებზე ლაპარაკობთ, მათ რატომ ეხებით, სულში უძვრებით, შეურაცხყოფას აყენებთ :(((
რითი განსხვავდებით იმათგან ვისაც სიძულვილის დათესვის გამო ებრძვით და ეწინააღმდეგებით
არ მესმის და ღმერთო ნურასოდეს შემაძლებინებ რომ ეს გავიგო.
ბოდიშს ვიხდი ასეთი გულახდილობისთვის, მაგრამ რომ წარმოვიდგენ ჩემი ან სხვისი შვილები, ნებისმიერი ადამიანის შვილები მათი მშობლების მიმართ საზოგადოებაში არსებული დამსახურებული თუ დაუმსახურებელი ზიზღის თუ სიყვარულის გამო პასუხს აგებენ, მზარავს და მაგიჟებს.
მე მორალისტი არ ვარ და არავის უკითხავ მორალს, ყველა საკუთარი მორალის და ზნეობის მიხედვით იქცევა, მაგრამ მე ჩემი სათქმელი ვთქვი. არც მოწონებისთვის, არც უარყოფისთვის, არც დაგმობისთვის და არც თინა როგორი მაგარი ხარ ძახილისთვის.
დავწერე მხოლოდ ჩემთვის და ჩემი და თქვენი შვილებისთვის.
გავუფრთხილდეთ მათ", - წერს ხიდაშელი.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ირანის შეტევის შედეგად ისრაელის 6 კვლევითი ლაბორატორია განადგურდა და 9 დაზიანდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
