საქართველოს ტურიზმის ეროვნული ადმინისტრაციის ხელმძღვანელი გიორგი სიგუა თანამდებობიდან 4 აგვისტოს გათავისუფლდება, - ამის შესახებ ინფორმაცია ეკონომიკისა და მდგრადი განვითარების სამინისტრომ გაავრცელა. დღეს კი, გიორგი სიგუას "რესპუბლიკა კაზანტიპის" პრეზიდენტი, ნიკიტა მარშუნოკი ვიცე-პრეზიდენტის პოსტს სთავაზობს წლიური ანაზღაურებით 100 000 ევრო, ამის შესახებ Ambebi.ge-ს "რესპულიკა კაზანტიპის " პრესსამსახურმა აცნობა.
"მისი პოტენციალის გამოუყენებლობა უბრალოდ შეცდომა იქნება, სწორედ ამიტომ, რესპუბლიკა კაზანტიპის ყველა მოქალაქის სახელით, გიორგი სიგუას ჩვენს მთავრობაში სამუშაოდ ვიწვევთ", - აღნიშნული შეთავაზება გიორგი სიგუამ რესპუბლიკა კაზანტიპის პრეზიდენტ, ნიკიტა მარშუნოკისგან დღეს, 31 ივლისს მიიღო.
"ნიკიტა მარშუნოკი მიიჩნევს, რომ გიორგი სიგუა ერთ-ერთი ყველაძე ნიჭიერი და მიზანდასახული ადამიანია, ვინც კი ოდესმე სამთავრობო სტრუქტურებში შეხვედრია. მისივე განცხადებით, სიგუას ენერგიულობა, ნიჭი და შრომისმოყვარეობა არ შეიძლება უყურადღებოდ დარჩეს", - ნათქვამია განცხადებაში, რომელსაც "რესპულიკა კაზანტიპის " პრესსამსახური ავრცელებს.
