მნიშვნელოვანი ინფორმაცია
4
ივნისიდღის ზოგადი ასტროლოგიური პროგნოზი
4 ივნისი, ოთხშაბათი, მთვარის მეცხრე დღე დაიწყება 14:30-ზე, მთვარე სასწორში გადავა 17:41-ზე – დღის ენერგია უარყოფითად მოქმედებს ადამიანებზე. პროვოკაციების დღეა, უფრთხილდით მოტყუებას და ცდუნებებს, იყავით მოკრძალებული. ცოტა დაისვენეთ, აღიდგინეთ ძალა. მოუფრთხილდით პირად ნივთებს. იყავით თავშეკავებული და ტოლერანტული სამსახურში, კომუნიკაციაში, ეცადეთ არავის ანაწყენოთ. არ მიიღოთ მონაწილეობა სარისკო საქმიანობაში. არ არის რეკომენდებული ბიზნესის დაწყება, პრეზენტაციებსა და გასართობ ღონისძიებებზე დასწრება, ხელშეკრულებების გაფორმება. საბუთების შედგენა. აქტიური ორგანოებია: თირკმელები, შარდის ბუშტი, გამომყოფი სისტემა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ნუცა ბუზალაძე სიმღერას, რომელმაც გამარჯვება მოუტანა, 3 წელი ინახავდა - რა იწინასწარმეტყველა მომღერლის დეიდამ
06:26 / 30-07-2014
კომპოზიტორი მაია კაჭკაჭიშვილი ნუცა ბუზალაძის იმ სიმღერის ავტორი გახლავთ, რომელმაც "ახალი ტალღა 2014"-ის კონკურსზე ფართო საზოგადოების მოწონება და მაღალი შეფასება დაიმსახურა. ამ კომპოზიციამ პრაქტიკულად ჩვენი კონკურსანტის ბედიც გადაწყვიტა, - ნუცამ პირველი ადგილი დაიკავა და წელს "ახალი ტალღის" გამარჯვებული გახდა. ასე რომ, "In my dream" გამარჯვების სიმღერად შეიძლება მივიჩნიოთ! საინტერესოა, როდის და როგორ დაიწერა ის.
Ambebi.ge მაია კაჭკაჭიშვილს დაუკავშირდა.
- ეს სიმღერა რომ ჩაიწერა, თუ არ ვცდები, ნუცა 14-15 წლის იყო... ჩემთან მოვიდნენ ნუცა, დედამისი და დეიდამისი, მთხოვეს, მათი გოგონასთვის სიმღერა დამეწერა. ბავშვმა რომ იმღერა, მივხვდი, მისთვის როგორი ნამუშევარი უნდა შემექმნა. საერთოდ, ასეა ხოლმე, რომელი მომღერალიც (თავისი მონაცემებით) როგორ სიმღერას იმსახურებს, ისეთი გამომდის. ეს ჩემზე არ არის დამოკიდებული. ნუცასთვის ასეთი კომპოზიცია დავინახე და დავუწერე. მისი დეიდა ჩემი მეგობარია, ხშირი კონტაქტი მაქვს, გემოვნებიანი და დახვეწილი ადამიანია. ეს სიმღერა რომ მოისმინა, მოსწონებია და უთქვამს, დადგება დრო, თავის სიტყვას იტყვისო, - მისი ამ ნათქვამის შესახებ მოგვიანებით შევიტყვე...
- ანუ სიმღერისთვის წლების წინ გამარჯვება უწინასწარმეტყველებიათ...
- კი და ეს მე არ ვიცოდი...
- დაუწერე სიმღერა, მაგრამ ის მგონი, არსად, არასდროს გაჟღერებულა.
- ამ სიმღერას ნუცა არსად ასრულებდა, არც რადიოში მიუტანია, ასე დადო და როგორც ჩანს, სჯეროდა, რომ ისეთ დროს უნდა გაჟღერებულიყო, როცა ამის საჭიროება იქნებოდა...
დღეს უბედნიერესი ვარ, რომ ჩემი ეს ნამუშევარი ფართო საზოგადოებას მოეწონა. ვერ დავასახელებ ხალხის რაოდენობას, ვინც მომილოცა და კვლავაც მილოცავს, იმდენია. პირველად არის, რომ კონკურსზე სიმღერა ყველამ 11 ქულით შეაფასა. მოკლედ, ვერ აღვწერ იმ ემოციას, რაც მე დამემართა, - ეს ამბავი რომ გავიგე, ბათუმში, ჯაზფესტივალზე ვიყავი. ჩემი ყვირილი მგონი, მთელ ბათუმს ესმოდა... "ფეისბუქზე" ადამიანებისგან იმდენად დადებითი ენერგია მოდის, რომ ვეღარ ვუძლებ... მომილოცა ლელა წურწუმიამაც, იურმალიდან ესემესი გამომიგზავნა: უბედნიერესი ვარ და გილოცავო. მეც მივულოცე, დადებითი ენერგიები გავცვალეთ...
ეს სიმღერა თავსი დროზე "სანოსტუდიაში" გაკეთდა, არანჟირება პეკემ გააკეთა... ტექსტის ავტორი ბიბი კვაჭაძეა. დიდი მადლობა მას ამისთვის...
- როცა წერდი, თუ იფიქრებდი, რომ ასეთი წარმატებული იქნებოდა?
- არა, მე ამ შემთხვევაში "დედის" პოზიციიდან ვლაპარაკობ: სხვა "დედებისგან" განსხვავებით, ჩემი სიმღერების, ანუ "შვილების" მიმართ კრიტიკული ვარ. ვერასდროს ვაკეთებ ფსონს იმაზე, რომ ჩემი ნამუშევარი საუცხოოა. მაგრამ წარმატებული აღმოჩნდება ხოლმე. მერე ვფიქრდები იმაზე, ნეტავ, რა მდგომარეობაში ვიყავი მაშინ, როდესაც ვწერდი?
ეს სევდიანი სიმღერაა. ჩემი ნამღერი ბევრად სევდიანი იქნება, ნუცა ხალასი ბავშვია და გაახალისა. ჩემს შესრულებულზე ყველას უტირია. მოკლედ, გააჩნია ადამიანს, ამ ბავშვმა მას ბედნიერება შეჰმატა.
- მაია, ნუცას მიერ შესარულებულ ორ დანარჩენ სიმღერაზე რას იტყვი?
- პირველი ჯესი ჯეის რეპერტუარიდან იყო, რომელიც უნიკალურად შეასრულა. არ ვაჭარბებ, მგონი, ჯესიზე უკეთაც..."ყვავილების ქვეყანაზე" კი რა გითხრათ? არ ვარ კმაყოფილი. მან უკან დაგვწია, მაგრამ მერე ჩემმა სიმღერამ ამოგვქაჩა. დიდი პატივს ვცემ ყველა მუსიკოსს, ვინც მის ახალ ვერსიაზე იმუშავა, მაგრამ ეს არ იყო ის, რაც უნდა ყოფილიყო. აი, ახლა სანოც მეუბნება, ცუდი არჩევანი იყოო და მეც ვეთანხმები. მაგრამ იურმალის საორგანიზაციო კომიტეტის დაკვეთა იყო, თუმცა უკეთ და სხვანაირად უნდა გაკეთებულიყო.
ლალი ფაცია
სპეციალურად ambebi.ge-სთვის
http://www.palitratv.ge/akhali-ambebi/shoubiznesi/48327-nuca-buzaladzis-dajildoeba-iurmalashi-50-000-evro-da-samadlobeli-inglisur-enaze.html
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
აფეთქება, ამჯერად წყალქვეშ - თავდასხმა ყირიმის ხიდზე
კვირის კითხვადი სტატიები
მნიშვნელოვანი ინფორმაცია
მკითხველის რჩევით
