როგორ აფასებს ადეიშვილი წარდგენილ ბრალდებას
ზურაბ ადეიშვილი წარდგენილ ბრალდებას შეთითხნილ და ფალსიფიცირებულ საქმედ მიიჩნევს, - ამის შესახებ "ინტერპრესნიუსს" ადეიშვილის ადვოკატმა, ოთარ კახიძემ განუცხადა.
ადვოკატის თქმით, თუ კი ადეიშვილს აღკვეთის ღონისძიებად ახალ ბრალდებაზე პატიმრობა შეეფარდა, მისი მდგომარეობა არ იცვლება იმ ქვეყანაში, სადაც იმყოფება.
ამასთან, როგორც ცნობილია, ზურაბ ადეიშვილს პატიმრობა სისხლის სამართლის ორი საქმეზე აქვს შეფარდებული – ციხეში პატიმრების წამებისა და "ქართუ" ბანკის საქმეზე.
არსებული ინფორმაციით, ადეიშვილი უნგრეთში იმყოფება, სადაც პოლიტიკური თავშესაფარი ითხოვა.
საქართველოს მთავარმა პროკურატურამ საქართველოს ყოფილ პრეზიდენტს მიხეილ სააკაშვილს ბრალი წაუყენა. საქმე ეხება 2007 წლის 7 ნოემბერს, მომიტინგეთა მასობრივად დარბევას, ტელეკომპანია "იმედში" შეჭრას და არკადი პატარკაციშვილის კუთვნილი ქონების დანაშაულებრივად ხელში ჩაგდებას. მიხეილ სააკაშვილთან ერთად, ბრალი წარუდგინეს შინაგან საქმეთა ყოფილ მინისტრს ივანე მერაბიშვილს, ყოფილ გენერალურ პროკურორს ზურაბ ადეიშვილს, თავდაცვის ყოფილ მინისტრს დავით კეზერაშვილს და თბილისის ყოფილ მერს გიგი უგულავას.
დაპირისპირება თბილისის ცენტრში - რამდენიმე მამაკაცი ფიზიკურად გაუსწორდა
"სათამაშო ბიზნესი "ქართულ ოცნებაში" ე.წ. შავ სალაროს ავსებს" - ვინ მფარველობს ონლაინკაზინოებს?
