მნიშვნელოვანი ინფორმაცია
31
მარტიდღის ზოგადი ასტროლოგიური პროგნოზი
ორშაბათი, მთვარის მესამე დღე დაიწყება 07:20-ზე, მთვარე კუროშია
არ წამოიწყოთ ახალი საქმეები. მოერიდეთ ფინანსური საქმეების გადაჭრას. ვაჭრობა და კამათი კარგს არაფერს მოგიტანთ. მოერიდეთ მგზავრობას, სამსახურის, საქმიანობის შეცვლას. კარგია ვარჯიში. არ გირჩევთ ქორწინებასა და ნიშნობას. გაუფრთხილდით კეფასა და ყურებს. ამ დღეს ადამიანი მეტად მგრძნობიარეა საკვების მიმართ. ნუ გადატვირთავ კუჭს, მაგრამ ნურც იშიმშილებთ. მიიღეთ ჯანსაღი საკვები. კარგი დღეა ბუნებაში სასეირნოდ, მიწაზე სამუშაოდ.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
2007 წლის 4 ნოემბრის თათბირზე სახალხო დამცველის საპარლამენტო ანგარიშშია საუბარი
05:43 / 29-07-2014
2007 წლის 4 ნოემბრის თათბირზე, რომელზეც მომიტინგეების დაშლა დაიგეგმა, 2008 წლის სახალხო დამცველის საპარლამენტო ანგარიშშია საუბარი.
სახალხო დამცველის 2008 წლის საპარლამენტო ანგარიშში საუბარია 2007 წლის მეორე ნახევრის შეფასებაზე.
"მიუხედავად არაერთი მიმართვისა, საქართველოს პარლამენტისგან ვერ მივიღეთ პასუხი ჩვენს მოთხოვნაზე - შეიქმნას პარლამენტის საგამოძიებო კომისია, რომელიც გამოიძიებს 2007 წლის 4 ნოემბერს საქართველოს შს მინისტრის, ვანო მერაბიშვილის ხელმძღვანელობით ჩატარებული თათბირის მასალებს. თათბირზე, რომელსაც ესწრებოდნენ მაშინდელი გენერალური პროკურორი ზურაბ ადეიშვილი, თავდაცვის მინისტრი დავით კეზერაშვილი, შსს კონსტიტუციური უსაფრთხოების დეპარტამენტის ყოფილი თავმჯდომარე დათა ახალაია და სხვა მაღალი თანამდებობის პირები, დაიგეგმა საპროტესტო მიტინგების მონაწილეთა ცემის, მათთვის ნარკოტიკების ჩადებისა თუ სხვადასხვა მეთოდებით დევნის პოლიტიკა. კიდევ ერთხელ ვაცხადებ - მზად ვარ, კომისიას წარვუდგინო ამ თათბირთან დაკავშირებული მტკიცებულებები. პარლამენტის საგამოძიებო კომისიის შექმნა და 4 ნოემბრის თათბირის გამოძიება ძალიან მნიშვნელოვანია, რათა ერთხელ და სამუდამოდ გაეცეს პასუხი კითხვას - რატომ მიიღო ადამიანის უფლებების დარღვევამ მიზანმიმართული პოლიტიკის ხასიათი და ვინ გეგმავს და ახორციელებს ამ პოლიტიკას", - აღნიშნულია ანგარიშში.
მაშინდელი სახალხო დამცვლის, სოზარ სუბარის ანაგრიში მოხვდა პროკურატურის გუშინდელ განცხადებაშიც, რომელიც მიხეილ სააკაშვილის, გიგი უგულავას, დავით კეზერაშვილის, ვანო მერაბიშვილის და ზურაბ ადეიშვილისთვის ბრალის წარდგენას ეხება. პროკურატურის განცხდებას დამატებული აქვს თათბირის დროს ვანო მერაბიშვილის მიერ წარმოთქმული ფრაზები. "თათბირზე საუბარი იყო, რომ ოპოზიციის მხარდამჭერი ბიზნესმენებისთვის უნდა "მიეხედა" ფინანსური პოლიციის ყოფილ უფროსს და იმჟამად თავდაცვის მინისტრს დავით კეზერაშვილს. ვანო მერაბიშვილმა თათბირის დროს წამოსთქვა შემდეგი შინაარსის ფრაზები: "გალახული კაცი საქართველოში არის ჩმორი და მაშინვე კარგავს გავლენას, ჯგუფები შექმენით, ცემეთ, თირკმელებში ურტყით, დაიჭირეთ, გადმოიბირეთ, ნარკოტიკები ჩაუდეთ, გარეთ ერთი ახალაია მიხედავს, შიგნით მეორე დახვდება." თათბირზე ივანე მერაბიშვილის მიერ გაცემული დავალება - ადამიანების დაშინების, ცემისა და დაპატიმრების შესახებ სისრულეში მოყვანილ იქნა 2007 წლის 7 ნოემბერს, როდესაც გაიცა ბრძანება აქციის დარბევის თაობაზე", - აღნიშნულია პროკურატურის განცხადებაში.
დღეს ცნობილი გახდა, რომ მცხეთა-მთიანეთის ყოფილმა გუბერნატორმა, ვასილ მაღლაფერიძემ პროკურატურას 7 ნოემბრის მოვლენებთან დაკავშირებით მისცა ჩვენება.
"ეს იყო 2007 წლის ნოემბრის მოვლენებთან დაკავშირებით. 2007 წლის 5 ნოემბერს ამის შესახებ წერილობითი ჩვენება მივეცი მაშინდელ სახალხო დამცველს. სახალხო დამცველმა ამის შესახებ ისაუბრა პრესით, მათ შორის პარლამენტში და საგამოძიებო კომისიის შექმნას ითხოვდა. შემდეგ ეს ჩვენება ითარგმნა და გადაეცათ საერთაშორისო ორგანიზაციების წარმომადგენლებს, მათ შორის თომას ჰამერბერს, პიტერ სემნებს და სხვა მაღალი რანგის დიპლომატებს. სწორედ ეს მოვუყევი მე ორი კვირის წინ პროკურატურას, როდესაც 8 წლის შემდეგ მიზანშეწონილად ჩათვალა, რომ ამ საქმეს დაბრუნებოდა. მკითხეს, დავადასტურებდი თუ არა, რაც მე თავის დროზე სახალხო დამცველს ვუთხარი. რასაკვირველია, დავადასტურებდი", - განაცხადა მაღლაფერიძემ. სავარაუდოდ მაღლაფერიძე სწორედ სახალხო დამცველისთვის 4 ნოემბრის თათბირის შესახებ მიწოდებულ ინფორმაციაზე საუბრობდა.
2007 წლის 7 ნოემბრის აქციის მასობრივად დარბევის, ტელეკომპანია "იმედში" შეჭრისა და ბადრი პატარკაციშვილის ქონების მიტაცების საქმეებზე დღეს ბრალი ოფიციალურად წაუყენეს მიხეილ სააკაშვილს, ზურაბ ადეიშვილს, დავით კეზერაშვილს, ვანო მერაბიშვილსა და გიგი უგულავას.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
