უკანონო აბორტებთან დაკავშირებით კანონი მკაცრდება
უკანონო აბორტებთან დაკავშირებით კანონი მკაცრდება. ცვლილებები სისხლის სამართლის კოდექსში შედის. კანონპროექტის ავტორი ჯანდაცვის კომიტეტის თავმჯდომარე დიმიტრი ხუნდაძეა, ხოლო ცვლილებები იურიდიულ საკითხთა კომიტეტზე პირველი მოსმენით უნდა განიხილონ.
კანონპროექტის მიხედვით, უკანონო აბორტი ისჯება საზოგადოებისათვის სასარგებლო შრომითი ვადით ასოციდან სამას საათამდე ან თავისუფლების აღკვეთით ვადით ერთიდან ორ წლამდე. იგივე ქმედება, ჩადენილი უკანონო აბორტისთვის მსჯავრდებულის მიერ, ან რამაც გამოიწვია შვილოსნობის სამუდამო მოშლა ისჯება თავისუფლების აღკვეთით ვადით ორიდან ხუთ წლამდე. ხოლო უკანონო აბორტი, რამაც გამოიწვია სიცოცხლის მოსპობა, ისჯება თავისუფლების აღკვეთით ოთხიდან ექვს წლამდე.
დეპუტატ გიორგი კახიანის თქმით, საქართველოში უკანონო აბორტებთან დაკავშირებით შედარებით ლიბერალური დამოკიდებულება იყო, ამიტომ აუცილებელია კანონის გამკაცრება.
,,საერთაშორისო პრაქტიკას თუ გადავხედავთ, საკმაოდ ლიბერალური მიდგომა იყო ამასთან დაკავშირებით საქართველოში. რეალობიდან გამომდინარე საჭიროება არის მიდგომა კიდევ უფრო გამკაცრდეს. შესაბამისად, უკანონო აბორტის შემთხვევაში რომელსაც ზიანი მოჰყვება, სანქციები უნდა გაიზარდოს. კანონი ითვალისწინებდა სამ წლამდე თავისუფლების აღკვეთას, ხოლო ცვლილების მიხედვით ის გაიზრდება ორიდან ხუთ წლამდე", - განაცხადა კახიანმა.
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
