"რატომ არ იქნება უფრო უპრიანი ქართველების მონაწილეობა უკრაინულ ანტიტერორისტულ ოპერაციაში?"

ყოფილი პოლიტპატიმარი ცოტნე გამსახურდია ქართველი ჯარისკაცების უკრაინაში გაგზავნის წინადადებით გამოდის.

"თუ ქართული ჯარი მონაწილეობს ავღანეთში, ანტიტერორისტულ ოპერაციაში აბსოლუტურად შეუსაბამო პირობებში, გაუმართლებლად დიდი რაოდენობით და იღებს (თუ საერთოდ) სრულიად გაუგებარ და არასაჭირო პატრულირებისა და ოკუპირებული ტერიტორიის მცირერიცხოვანი პარტიზანული ჯგუფებისაგან დაცვის გამოცდილებას, რატომ არ იქნება უფრო უპრიანი ქართველების მონაწილეობა უკრაინულ ანტიტერორისტულ ოპერაციაში? სრული სერიოზულობით ვკითხულობ და ვფიქრობ, რომ უკრაინის საომარი მოქმედებების თეატრის თავისებურებები, სეპარატიზმთან ბრძოლის გამოცდილება, ჩვენი პოტენციური მოწინააღმდეგეების იქ მონაწილეობა, ლანდშაფტურ-რელიეფური პირობები და თუნდაც პოლიტიკური მიზანშეწონილობა (!) გაცილებით მეტად ამართლებს და უპრიანს ხდის ჩვენი ჯარისკაცების იქ ყოფნას!",- წერს გამსახურდია.